«Զարթօնք» Կը Թեւակոխէ իր 80-Ամեակի Տարին՝ Պարգեւատրելով «Բեղուն Գրիչ»-ով Մտաւորական Եւ Աշխատակից Սարգիս Փոշօղլեանը

*ՀԱՄՕ ՄՈՍԿՈՖԵԱՆ*
Ինչպէս օրին կարճ լուրով մը անդրադարձած էինք, Չորեքշաբթի, 18 Յունուարի երեկոյեան, Պէյրութի Թէքէեան կեդրոնին մէջ ընթացք առաւ «Զարթօնք»-ի 80 ամեակին նուիրուած ձեռնարկներու շարքը, մասնակցութեամբ ՌԱԿ-ի եւ ԹՄՄ-ի ղեկավարութեան եւ օրաթերթի պատասխանատուներուն, խմբագիրներուն, աշխատակիցներուն եւ այնպէս ալ մտաւորական ընտրանիի մը:
Բարի գալուստի խօսքով հանդէս եկող «Զարթօնք»-ի խմբագրապետ Սեւակ Յակոբեան, որ մեկնարկը յայտարարեց «Զարթօնք»ի 80 Ամեակի ձեռնարկներու շարքին թուելով անոնցմէ ոմանք, որոնք տեղի պիտի ունենան 2017 տարուայ ընթացքին: Ապա ան յայտարարեց, որ «Զարթօնք» իր գործնական մասնակցութիւնը պիտի ունենայ ՀՀ Սփիւռքի Նախարարութեան «Դուն ի՞նչ կ՛ընես Ղարաբաղի համար» նախաձեռնութեան, հաստատելով որ 2017 տարին «Զարթօնք»ի համար իրողապէս պիտի ըլլայ Արցախի տարին:
Իր խօսքին աւարտին, ընկ. Ս. Յակոբեան հրաւիրեց տողերուս հեղինակը ներկայացնելու «Զարթօնք» -ի 80 ամեակին նուիրուած 2017-ի բացառիկը: Արտայայտուելով մերօրեայ «Զարթօնք»ին մասին, շեշտեցինք, որ ան իր անառօրեայ թիւերով եւ իր բացառիկով ցոյց կու տայ թէ «Ալեհեր» 80 ամեայ «Զարթօնք»-ը միշտ երիտասարդ է եւ հակառակ յոռետեսներու կարծիքին, ելեկտրոնային տարբերակով օրաթերթը այսօր հազարաւոր ընթերցողներ ունի աշխարհի չորս ծագերուն:
Հանդիպման վերջին մասով միշտ համեստ, հայ գրականութեան եւ մշակութային անվերադարձ նուիրուած մտաւորական Սարգիս Փոշօղլեանին, «Զարթօնք»-ի խմբագրութեան որոշմամբ, յանձնուեցաւ Մկրտիչ Մսըրլեան մեծ երախտաւորին անուան մրցանակը, որպէս արժանաւոր աշխատակից եւ «բեղուն գրիչ» 2016 տարուան, ձեռամբ ԹՄՄ Հիմնադիրներու Մարմնի ատենապետ՝ ընկ. Յակոբ Գասարճեանի եւ դոկտ. Զաւէն Մսըրեանի:
Արարողութեան աւարտին, սրտի խօսքով հանդէս եկաւ ժպտադէմ Սարգիս Փօշողլեան, որ շնորհակալութիւն յայտնեց «Զարթօնք»-ին, խոստանալով շարունակել իր առաքելութիւնը, որպէս հայ մամուլի եւ գրականութեան նուիրեալ:
Աւարտին, բոլորը հրաւիրուեցան «հայկական» ջերմ հիւրասիրութեան, միտքերու փոխանակումով, միաժամանակ շնորհաւորելով օրուան մրցանակակիրը:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy

