• London

  • Beirut

  • Moscow

  • Los Angeles

  • Paris

  • Sydney

  • Toronto

Ինծի Համար Կարեւոր Ֆիլմ Է, Բոլոր Նախնիներս Հայոց Ցեղասպանութեան Զոհեր Են. Սերժ Թանգեան Խօսած Է «Խոստումը» Ֆիլմին մասին

19.04.2017   18:57

Ամերիկահայ յայտնի ռոք երգիչ, System of a Down խումբի մեներգիչ Սերժ Թանգեան Լոս Անճելըսի մէջ մասնակցած է Հայոց Ցեղասպանութեան մասին պատմող «Խոստումը» ֆիլմի ցուցադրութեան: Ինչպէս կը հաղորդէ «Արմէնփրէս»-ը, Սերժ Թանգեան նշած է, որ շատ ուրախ է ֆիլմի ստեղծման աշխատանքներուն մասնակցելու համար: «Ես շատ ուրախ եմ, որ մասնակցութիւն  ունեցած եմ ֆիլմի երաժշտական մասի աշխատանքներուն: Սա շատ կարեւոր ֆիլմ է: Ատոր մէջ ներկայացուած է սիրոյ պատմութիւն մը, որ տեղի կ’ունենայ Հայոց Ցեղասպանութեան տարիներուն: Ասիկա ինծի համար կարեւոր է, որովհետեւ իմ բոլոր նախնիներս Հայոց ցեղասպանութեան զոհեր են»,- ըսած է Թանգեան:

«Խոստումը» ֆիլմի արտադրող Էրիկ Իսրայէլեան, կարեւոր համարելով Հայոց Ցեղասպանութեան մասին պատմող ֆիլմ նկարահանելուն` երջանկայիշատակ Քըրք Գըրգորեանի նախաձեռնութիւնը, նոյնպէս նշած է, որ իր նախնիները Հայոց Ցեղասպանութեան զոհեր են, եւ ինք կը ցանկայ այս հարթակը օգտագործելու եղանակով խախտել լռութիւնը ու մարդոց ուշադրութիւնը հրաւիրել խնդիրին վրայ:

Share Button

Leave a Reply

Your email address will not be published. Required fields are marked *

Media Partner