• London

  • Beirut

  • Moscow

  • Los Angeles

  • Paris

  • Sydney

  • Toronto

Պոլսահայ Լրագրող Արիս Նալճըն Արցախ Այցելելուն Պատճառով Յայտնուած է Ազրպէյճանցիներու «Սեւ Ցուցակ»-ին Մէջ

20.08.2016   23:15

Պոլսահայ յայտնի լրագրող Արիս Նալճըն, որ 2014-ին այցելած էր Արցախ, նոյնպէս յայտնուած է Ազրպէյճանի Արտաքին գործոց նախարարութեան «սեւ ցուցակ»-ին մէջ:

Ըստ պոլսոյ «Ակօս» օրաթերթին` «Ազրպէյճանի մէջ անցանկալի համարուող անձեր» վերնագրուած յայտնի ցուցակին մէջ Նալճըն 591-րդ անձն է:

Պոլիս ծնած եւ ներկայիս Պելճիքա բնակող հայ լրագրողը 2014-ի իր Հայաստան այցելութեան ժամանակ այցելած էր նաեւ Արցախ եւ ճանապարհորդութեան ընթացքին գրած իր յօդուածը տպագրած էր T24.com.tr թրքական կայքին մէջ:

Պոլսահայ լրագրողի արցախեան թեմայով այս յօդուածէն խիստ անհանգստացած ազրպէյճանցիները՝ այս տարի Արիսը ընդգրկած են իրենց «սեւ ցուցակ»-ին մէջ:

Նշենք, որ ցուցակի հեղինակները յայտարարած են, թէ «եթէ ցուցակին մէջ յայտնուած անձը գիտակցի իր յանցանքն ու հրաժարի յետագային առանց Ազրպէյճանի արտօնութեան Ղարաբաղ մեկնելէն, տուեալ անձին անունը հաւանական է հանուի ցուցակէն»: Մինչդեռ պոլսահայ Արիսը դեռ այդպիսի դիմումով հանդէս գալ չի պատրաստուիր:

Share Button

Leave a Reply

Your email address will not be published. Required fields are marked *

Media Partner