«Այնքան Ատեն ՈրԵս Ողջ Եմ Չեմ Կարծեր Որ Թուրքիան Եւրոպական Միութեան Անդամ Դառնայ». Ճորճ Օսպըրն
Մեծ Բրիտանիոյ ելեւմտական նախարար Ճորճ Օսպըրնի կարծիքով՝ Թուրքիան մօտ ապագային չի դառնար Եւրոպական Միութեան (ԵՄ) անդամ: Այս մասին կը հաղորդէ Ermenihaber.am-ը՝ վկայակոչելով թրքական ընդդիմադիր «Ճումհուրիյեթ» պարբերականի հաղորդած տեղեկութիւնները։
Օսպըրնը հրաւիրուած է BBC-ի պատրաստած հաղորդման, որուն ընթացքին ան խօսած է Թուրքիոյ Եւրոպական Միութեան անդամակցելու հնարաւորութեան մասին:
«Այնքան ատեն որ ես ողջ եմ, չեմ կարծեր, թէ Թուրքիան կը դառնայ ԵՄ-ի անդամ: Կ՝ըլլա՞յ արդեօք Թուրքիան ԵՄ-ի անդամ: Ո՛չ: Թուրքիան նահանջ կ՛ապրի: Այնտեղ մարդոց եւ ժողովրդավարութեան հետ կապուած հարցերու մէջ լուրջ խնդիրներ կան», նկատած է նախարարը:
Ան նաեւ ընդգծած է, որ այս պահուն Մեծ Բրիտանիան կողմնակից չէ, Թուրքիոյ Եւրոպական միութեան անդամակցութեան: Ըստ Օսպըրնի բրիտանական կառավարութիւնը շուտափոյթ կերպով պիտի յայտնէ իր դիրքորոշումը՝ Թուրքիոյ ԵՄ-ին անդամակցելու հարցով:
Հաղորդման ժամանակ Օսպըրնին յիշեցուցած են, որ ոչ վաղ անցեալին Մեծ Բրիտանիոյ կառավարութիւնը կողմ էր Թուրքիոյ անդամակցութեան:
Նշենք, որ երկու շաբաթէն Մեծ Բրիտանիոյ մէջ տեղի պիտի ունենայ հանրաքուէ, որմով պէտք է յայտնի դառնայ երկիրը կը շարունակէ՞ ըլլալ ԵՄ-ի անդամ, թէ՝ ոչ: Թրքական աղբիւրը կը նշէ, որ ԵՄ-ի կազմէն Մեծ Բրիտանիոյ դուրս գալու կողմնակիցներէն է արդարադատութեան նախարարը, որ մէկ օր առաջ յայտարարած էր, թէ Թուրքիոյ քաղաքացիներուն համար Եւրոպայի մէջ վիզայի վերացումը մեծ վտանգ կ՛ենթադրէ:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
