Հրէաներուն Պատասխանը Անգարային. «Ի Տարբերութիւն Թուրքիոյ Գերմանիան Իր Պատմութիւնը Չի Հերքեր»
Գերմանիան որպէս Հոլոքոսթը ճանչցած ու ատոր համար լիակատար պատասխանատուութիւն կրած երկիր, ունի բարոյական իրաւունք մատնանշելու Թուրքիոյ, որ վերջինս սխալ կը գնահատէ իր պատմութիւնը:
Այդ մասին յայտարարած է Հրէական համայնքներու դաշնութեան ղեկավար Ալեքսանտր Պորոտան, մեկնաբանելով Թուրքիոյ արդարադատութեան նախարար Պեքրի Պոզտաղի խօսքերը այն մասին, թէ Գերմանիան կ՛այրէր հրեաները, իսկ այժմ կը մեղադրէ Թուրքիան Ցեղասպանութիւն գործելու մէջ:
«Գերմանիան, որ նախապէս շատ սխալներ գործած է, կը հասկնայ, որ մէկ ցեղասպանութեան մասին լռելը կրնայ ապագային բերել ատոր կրկնութեան», նշած է ան, կը հաղորդէ panarmenian.net-ը վկայակոչելով «ՌԻԱ Նովոսթի»ն:
Յունիս 2-ին Գերմանիոյ խորհրդարանը ձայներու ճնշող մեծամասնութեամբ կողմ քուէարկեց հայերու եւ այլ քրիստոնեաներու Ցեղասպանութիւնը ճանչցող բանաձեւին: Դէմ էր ընդամէնը 1 պատգամաւոր, եւս մէկը ձեռնպահ մնացած է: Բանաձեւին մէջ կ՛ըսուի` «101 տարի առաջ հայերու եւ այլ քրիստոնեայ փոքրամասնութիւններու դէմ իրականացած Ցեղասպանութիւնը պէտք է յիշատակել»: Կը նշուի, որ խորհրդարանը կը դատապարտէ Օսմանեան կառավարութեան կողմէ հայերուն գրեթէ ամբողջութեամբ ոչնչացնելու գործողութիւնները: 5 էջնոց բանաձեւին մէջ կը նշուի, որ «Հայերուն ճակատագիրը 20-րդ դարուն տեղի ունեցած կոտորածին, էթնիք զտման, տեղահանութեան ու Ցեղասպանութեան օրինակ է»:
Գերմանիան այս բանաձեւով կ՛ընդունի նաեւ իր պատմական պատասխանատուութիւնը այդ ողբերգութեան համար:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
