Էրտողան Առաջարկած է Պունտեսթակի Թուրք Պատգամաւորներուն Արիւնը Փորձաքննութեան Ենթարկել
Թուրքիոյ նախագահ Ռեճեպ Թայիպ Էրտողան չի դադրիր տարբեր հարթակներէ ելոյթներու ժամանակ դատապարտել Գերմանիան՝ Հայոց Ցեղասպանութիւնը ճանչնալու հարցով: Այս մասին կը հաղորդէ «Արմէնփրես»ը՝ վկայակոչելով թրքական «Անատոլու» լրատուական գործակալութիւնը։
Այս անգամ Թուրքիոյ նախագահը խնդիրի մասին խօսած է Սապահէտտին Զաիմ համալսարանի աւարտական արարողութեան ժամանակ:
«Հէ~յ Գերմանիա, տես նորէն կ՝ըսեմ` նախ եւ առաջ Հոլոքոսթի եւ Նամիպիայի մէջ շուրջ 100 հազար նամիպիացիներ սպաննելու, ոչնչացնելու հաշիւը պիտի տաս»,- ըսած է Էրտողան նշելով, թէ Գերմանիան ամենաքիչը իրաւունք ունէր խորհրդարանին մէջ Հայոց Ցեղասպանութեան շուրջ քուէարկութիւն կազմակերպելու:
Թուրքիոյ նախագահը կրկին յիշեցուցած է իր երկիրին մէջ շուրջ 100 հազար հայ գտնուելու փաստին մասին` նշելով, թէ բոլորը «Հայաստան կ’ուղարկէին, եթէ հայերուն թշնամին ըլլային»:
Էրտողան հրաւիրած է ուսումնասիրելու թրքական արխիւները եւ միայն անկէ ետք իրենց դէմ մեղադրանքներ ներկայացնելու: Ան անդրադարձած է նաեւ Պունտեսթակի մէջ Հայոց Ցեղասպանութեան բանաձեւը թուրքերու կողմէ պատրաստելու փաստին` ըսելով. «Ի՞նչ թուրք: Անոնց արիւնը պէտք է տարրալուծարանային փորձաքննութեան ենթարկել»:
Յիշեցնենք, որ Գերմանիոյ Պունտեսթակը Յունիս 2-ին ընդունեց Հայոց Ցեղասպանութեան ճանաչման բանաձեւը, որ ունի «1915 եւ 1916 թուականներուն հայերն ու միւս քրիստոնեայ փոքրամասնութիւնները ցեղասպանութեան յիշատակի եւ ոգեկոչման մասին» անուանումը:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
