Գերմանացի Երկու Զոյգեր Իրենց Կարողութիւնը Կտակած Են «Հայաստան» Հիմնադրամին
Գերմանիոյ հայ համայնքը եւրոպական հարեւան երկիրներու համեմատութեամբ այնքան ալ մեծաթիւ չէ: Շուրջ 40.000 հայեր կ’ապրին Գերմանիոյ մէջ, որոնք սակայն բաւական աշխոյժ մասնակցութիւն ունին համահայկական հարցերուն ու անհրաժեշտութեան պարագային պատրաստ են կանգնելու Հայրենիքի կողքին:
Ատոր ապացոյցը «Հայաստան» համահայկական հիմնադրամի Գերմանիոյ տեղական մարմինի կազմակերպած բազմաթիւ օգնութիւններն ու ձեռնարկներն են, որոնք վերջին տարիներուն ուղղուած են գլխաւորաբար սուրիահայութեան աջակցելու եւ Գերմանիոյ մէջ Հայ Դատի խնդիրները ներկայացնելու: Այս մասին «Հայերն Այսօր»ի հետ զրոյցի ընթացքին ըսած է Հիմնադրամի Գերմանիոյ տեղական մարմինի ատենապետ Ժիլպեր Մոմճեան:
Հետաքրրական է, որ Հիմնադրամի միջոցով Հայաստանին օգնելու ցանկութիւն կը յայտնեն ոչ միայն հայերը, այլ նաեւ գերմանացիներ: «Կրնամ ըսել, որ այսօր մեր օգնութիւններուն 100-էն 35 տոկոսի հեղինակները զուտ գերմանացիներ են: Զարմանալի եւ ուրախալի փաստ մըն ալ կայ. այս տարի գերմանացի երկու զոյգեր իրենց կտակին մէջ նշած էին, որ իրենց կարողութիւնը կը փոխանցեն մեր հիմնադրամին», կը պատմէ ժիլպեր Մոմճեան:
Մեր զրուցակիցը գերմանահայերուն համար կարեւոր ձեռքբերում կը համարէ նաեւ՝ Յունիս 2-ին Պունտըսթակի մէջ սպասուող Ցեղասպանութեան մասին բանաձեւի քննարկումը: Այս թեման ըստ անոր վերջին ամիսներուն առիթ դարձած է, որպէսզի բազմաթիւ հեղինակաւոր պարբերականներ գրեն Հայաստանի ու հայերու մասին: «Ասիկա առիթ է, որ անոնք որոնք նոյնիսկ չէին լսած Հայաստանի եւ Արցախի մասին, իմանան մեր մասին: Առհասարակ կրնամ փաստել, որ հայերը այսօր գերմանացիներուն համար շատ սիրելի ազգ են», կ’եզրափակէ Ժիլպեր Մոմճեան:
«Հայերն Այսօր»
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
