Պէտք է Միջազգային Հանրութիւնը Արժանի Գնահատական Տայ Ազրպէյճանի Քայլերուն. Չեխիոյ Հայերը Բողոքի Ցոյց Պիտի Կատարեն
Չեխիոյ հայկական համայնքը Ապրիլ 16-ին Փրակայի մէջ պիտի իրականացնէ բողոքի ցոյց մը` ընդդէմ Ազրպէյճանի սադրիչ գործողութիւններուն: Այս մասին կը հաղորդէ «Արմէնփրես»-ը։
Բողոքի ցոյցը նախաձեռնած է «Ուրարտու հայ չեխական միութիւն»-ը: Միութեան նախագահ Ալեքսանտր Սարգսեան յայտնած է, որ իրենց միացած են տեղական 10 այլ հայկական կազմակերպութիւններ: Բողոքի շարժումը պիտի իրականանայ Փրակայի Սթառոմեսդսքի հրապարակին վրայ: Շարժման նպատակն է միջազգային հանրութեան ուշադրութիւնը սեւեռել՝ Ազրպէյճանի կողմէ սանձազերծած ռազմական գործողութիւններուն վրայ:
«Վայրը պատահական չէ ընտրուած, այդ հրապարակը միշտ ուշադրութիւն կը գրաւէ մեծ թիւով զբօսաշրջիկներու այցելութեամբ: Մենք մեր բողոքի ձայնը պիտի բարձրացնենք Ազրպէյճանի սադրիչ գործողութիւններուն վերաբերեալ: Պէտք է միջազգային հանրութիւնը արժանի գնահատական տայ Ազրպէյճանի քայլերուն», ըսած է Ալեքսանտր Սարգսեան:
Բողոքի երթի մասնակիցները հրապարակէն պիտի շարժին դէպի Եւրոպական Խորհրդարանի ներկայացուցչութիւն եւ Չեխիոյ մէջ Ռուսաստանի դաշնութեան դեսպանատուն:
«Մեր պահանջն է նախ դադրեցնել զինեալ յարձակումները: Անոնք որոնք զէնքերը կը վաճառեն Ազրպէյճանին, օր մը ազերիները այդ զէնքերով պիտի կրակեն իրենց ուղղութեամբ: Այս եւ նման այլ լոզունգներով մեր բողոքի ձայնը պիտի բարձրացնենք Ռուսաստանի դեսպանատան մօտ: Եւրոպական Խորհուդէն ալ պիտի պահանջենք իրերը կոչել իրենց անուններով՝ բարձրաձայնել, թէ ով է կրակելը նախաձեռնողը եւ համարժէք գնահատական տալ»:
Հայկական համայնքը Ղարաբաղա-ազրպէյճանական սահմանագիծին տիրող իրավիճակին վերաբերեալ՝ նամակ ուղարկած է իշխանութեան տարբեր ճիւղերու ղեկավարներուն:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
