Թուրքիոյ Վճռաբեկ Դատարանը Չեղարկած է Հայկական Հիւանդանոցին Հողակտորը Վերադարձնելու Որոշումը
Սթամպուլի Սուրբ Փրկիչ հայկական հիւանդանոցի հիմնադրամը կը շարունակէ իրաւական պայքարը՝ իրեն պատկանող եւ նախապէս պետութեան կողմէ բռնագրաւուած 48.259քմ մակերեսով տարածքի վերադարձման համար:
Թուրքիոյ հայկական «Ակօս» թերթը կը տեղեկացնէ, որ Զէյթինպուրնուի թաղապետարանը գործնականօրէն տարածքը վերադարձնելէ կը հրաժարի հայկական կողմին, թէեւ անիկա Սուրբ Փրկիչ հիմնադրամին յատկացուած է դեռ 2014-ի Հոկտեմբեր 22-ին` Թուրքիոյ հիմնադրամներու գլխաւոր վարչութեան որոշումով:
Նշեալ որոշումէն ետք թաղապետարանը դատական գործ յարուցած է Հիմնադրամներու գլխաւոր վարչութեան դէմ, սակայն Սթամպուլի վարչական դատարանը 2014-ի Դեկտեմբեր 29-ին հաստատած է անշարժ գոյքի` հայկական հիւանդանոցի հիմնադրամին վերադարձնելու որոշման օրինականութիւնը:
Զէյթինպուրնուի թաղապետարանը բողոքարկած է այս վճիռը վերաքննիչ դատարանին մօտ, որմէ ետք շատ կարճ ժամանակի մէջ տեղական դատարանի որոշումը չեղարկուած է: Սուրբ Փրկիչ հիմնադրամը եւ Հիմնադրամներու գլխաւոր վարչութիւնը, ընդդիմանալով վերաքննիչ դատարանի այս վճիռին, դիմած են վերին ատեան` պահանջելով շտկել կայացած վճիռը:
Նշենք, որ Սթամպուլի Սուրբ Փրկիչ հայկական հիւանդանոցի հարեւանութեամբ գտնուող նշեալ հողատարածքը պետականացած էր 1974-ին` փաստաթուղթերու համաձայն սեփկանատէր չունենալու պատրուակով: Ատիկա հանրապետական Թուրքիոյ պատմութեան մէջ, պետութեան կողմէ գրաւուած ամենախոշոր հայկական անշարժ գոյքն է: Այդ տարածքին մէջ այժմ կը գտնուին Զէյթինպուրնուի մարզադաշտը, քաղաքապետարանին պատկանող փակ մարզասրահ ու կայանատեղ:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
