Եւրոպական Խորհրդարանի Պատգամաւորը Արցախի Անկախութիւնը Ճանչնալու Կոչ Կ՛ընէ
Եւրոպական Խորհրդարանի (ԵԽ) Կանաչներ-Եւրոպական ազատ դաշինքի ներկայացուցիչ Ճոզէֆ Մարիա Թերիքապրաս (Սպանիա) Երեքշաբթի, Ապրիլ 12-ին ելոյթ ունեցած է ԵԽ լիագումար նիստին առջեւ՝ պահանջելով Լեռնային Ղարաբաղի ներկայացուցիչները ներառել ԵԱՀԿ Մինսքի խմբակի հովանիին տակ կատարուող բանակցութիւններուն մէջ։ Այս մասին կը հաղորդէ «Արմէնփրես»ը։
«1991-ի Դեկտեմբեր 10-ին, Լեռնային Ղարաբաղի բնակչութեան գերակշռող մեծամասնութիւնը կողմ քուէարկեց անկախութեան հանրաքուէի ընթացքին: Այս ժողովրդավարական գործընթացին ի պատասխան, Ազրպէյճան սկսաւ ռազմական յարձակումի, որուն հետեւանքով շուրջ 30 հազար զոհեր արձանագրուեցան: Ապա Ազրպէյճանի, Լեռնային Ղարաբաղի եւ Հայաստանի միջեւ կնքուեցաւ հրադադարի համաձայնագիր: 1992-ին Մինսքի խմբակի ստեղծումը կարեւոր էր այս առումով, սակայն Ազրպէյճան կը հրաժարի հրադադարի խախտումները արձանագրելու նպատակով հետաքննութեան համակարգի կիրառումէն: Լեռնային Ղարաբաղը ամբողջութեամբ ժողովրդավարական է՝ օրինակելի դատական համակարգով եւ զեղծարարութեան ցած մակարդակով: Այդ իսկ պատճառով, մենք կը պահանջենք Լեռնային Ղարաբաղի ներկայացուցիչները ներառել՝ Մինսքի խմբակի բանակցային գործընթացի մէջ, քանի որ անոնք կրնան որոշել երկիրի բնակիչներուն ապագան: Ռազմական հակամարտութիւնը մէկընդմիշտ լուծելու նպատակով, անհրաժեշտ է նաեւ միջազգայնօրէն պաշտօնապէս ճանչնալ նորանկախ պետութիւնը», ըսած է սպանացի խորհրդարանականը:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
