• London

  • Beirut

  • Moscow

  • Los Angeles

  • Paris

  • Sydney

  • Toronto

ԱՄՆ-ի Թրքական Կազմակերպութիւնները Միաւորուած Են Հայոց Ցեղասպանութեան Միջազգային Ճանաչման Դէմ

24.03.2016   20:09

Միացեալ Նահանգներուն մէջ գործող թրքական աւելի քան 150 կազմակերպութիւններու նախաձեռնութեամբ՝ ձեւաւորուած է «Թուրք-ամերիկեան ազգային  ղեկավար կոմիտէ» (Turkish American National Steering Committee – TASC), որ իր առջեւ նպատակ դրած է պայքարիլ Հայոց Ցեղասպանութեան միջազգային ճանաչման դէմ:

Ըստ ermenihaber.am-ի, որ վկայակոչելով  թրքական «Սապահ»ը կ՛ըսէ, թէ TASC-ի տարածած յայտարարութեան մէջ կը նշուի, որ  իրենց նպատակն է ԱՄՆ-ի հասարակութիւնը իրազեկել  եւ  ցոյց տալ «պատմական ճշմարտութիւնը» Հայոց Ցեղասպանութեան վերաբերեալ:

Կը նշուի նաեւ, որ կոմիտէին նպատակներէն է նպաստել ԱՄՆ-ի քաղաքական, ընկերային, տնտեսական եւ  մշակութային կեանքին մէջ թուրք հանրութեան ներգրաւուածութեան բարձրացման, ԱՄՆ-ի իշխանական շրջանակներու մէջ Թուրքիոյ ռազմավարական կարեւորութեան գիտակցման եւ ամերիկեան հասարակութեան մէջ Թուրքիոյ մասին դրական ընկալումներու ձեւաւորման:

Կոմիտէի հիմնադիրներն են Իպրահիմ Ույարը, Կիւնայ Օւունչը, Տերիա Թաշքինը, Մուրաթ Կիւզելը եւ այլք:

Յիշեցնենք, որ Թուրքիոյ մէջ այս տարի Կալիպոլիի տօնակատարութիւնները իրականացած են Մարտ 18-ին` ի տարբերութիւն նախորդ տարուան, երբ միտումնաւոր կերպով այդ ձեռնարկները տեղափոխուած էին Ապրիլ 24ին:

 

Share Button

Leave a Reply

Your email address will not be published. Required fields are marked *

Media Partner