«Թուրքիոյ Վերջը Եկած Է Եւ Ան Պիտի Կործանի». Վլատիմիր Ժիրինովսքի
Ռուսիոյ Ազատական-ժողովրդավարական կուսակցութեան ղեկավար Վլատիմիր Ժիրինովսքի, Lenta.ru-ին տուած ծաւալուն հարցազրոյցի ընթացքին մեկնաբանած է նաեւ՝ ներկայիս Թուրքիոյ պատկանող հայկական պատմական հողերը Հայաստանին վերադարձնելու մասին իր յայտարարութիւնը ու նշած, թէ ինչպէս կարելի է ատիկա իրականացնել եւ որքանով իրատեսական է, կը գրէ «Թերթ»ը:
«Թող հայերը որոշեն: Ինչպէ՞ս քիւրտերը կը պայքարին իրենց պետութիւնը ստեղծելու համար: Զէնքը ձեռքին: Այդպէս ալ հայերը թող օգտագործեն դիւանագիտական, տնտեսական, քաղաքական կամ որեւէ այլ միջոցներ: Սակայն ի վերջոյ, անոնք ստիպուած պիտի ըլլան զէնքով վերադարձնելու իրենց հողերը», ըսած է ռուս գործիչը:
Անդրադառնալով այն հարցումին, թէ Ռուսիան կրնա՞յ դիւանագիտօրէն աջակցիլ հայերուն, Ժիրինովսքին պատասխանած է. «Ի հարկէ կրնանք եւ՛ Հայաստանին աջակցիլ, եւ՛ քիւրտերուն, եւ՛ յոյներուն, եւ՛ պուլկարացիներուն, եւ՛ սուրիացիներուն: Անոնք բոլորը կ՛ատեն Թուրքիան: Թուրքիան շրջապատուած է հակառակորդներով. Արեւմուտքի մէջ պուլկարներն ու յոյներն են, արեւելքի մէջ հայերն ու քիւրտերը, հարաւի մէջ Սուրիան: Թուրքիոյ վերջը եկած է», ըսած է ան:
Ռուսիոյ Ազատական-ժողովրդավարական կուսակցութեան ղեկավարը նշած է, որ ատիկա տեղի պիտի ունենայ 5 կամ 10 տարիէն, բայց «ան ամէն պարագայի պիտի կործանի, եւ այլեւս ոչ մէկ դերակատարութիւն պիտի ունենայ»:
«Մեր կուսակցութիւնը յստակ դիրքորոշում ունի. աջակցիլ անկախ քրտական պետութեան ստեղծման: Քիւրտերը կը բնակին Թուրքիոյ, Սուրիոյ, Իրանի եւ Իրաքի մէջ: Ընդհանուր առմամբ անոնք 40 միլիոն են, սակայն միայն մեր մօտ է այդ առաջարկը ծրագրային», ըսած է ան:
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
