• London

  • Beirut

  • Moscow

  • Los Angeles

  • Paris

  • Sydney

  • Toronto

100 LIVES-ը Եւ ICFJ Լրագրողական Միջազգային Կազմակերպութիւնը Կը Յայտարարեն Լրագրողական Նոր Մրցանակի Հիմնումի Մասին

11.03.2016   09:07

«Սկզբունքային լուսաբանին» մրցանակը պիտի տրուի այն խիզախ լրագրողներուն, որոնք տեղեկութիւններ կ’ապահովեն աշխարհի ամենավտանգաւոր վայրերէն՝ շեշտելով մարդասիրական հիմնական խնդիրները:  

100 LIVES նախաձեռնութիւնը եւ Լրագրողական Միջազգային Կեդրոն (International Center for Journalism, ICFJ) կազմակերպութիւնը հիմնած են լրագրողական նոր մրցանակ մը, որով պիտի կարենան մարդկային հանրութեան ներկայացնել այն խիզախները, որոնք կը լուսաբանեն աշխարհի մէջ տեղի ունեցող աղէտներն ու ոճրագործութիւնները:

ICFJ կազմակերպութիւնը «Աւրորա» մրցանակի հետ համագործակցաբար, «Սկզբունքային Լուսաբանին» մրցանակը պիտի շնորհէ 24 Ապրիլ 2016ին, Երեւանի մէջ կայանալիք «Աւրորա» մրցանակաբաշխութեան ընթացքին։ 100 LIVES նախաձեռնութիւնը իր երախտագիտութիւնը կը յայտնէ՝ Ցեղասպանութեան տարիներուն հայերու փրկութեան ձեռք մեկնած խիզախներուն եւ կ’աջակցի  այն անհատներուն ու կազմակերպութիւններուն հետ, որոնք նոյն ոգիով կը բարեփոխեն  աշխարհը այսօր։

100 LIVES նախաձեռնութիւնը «Աւրորա» մրցանակը շնորհելով, ճանաչման  կ’արժանացնէ մերօրեայ հերոսները, ովքեր անձնուիրաբար կ’օգնեն մարդոց։ Միանալով 100 LIVES նախաձեռնութեան «Աւրորա» մրցանակի ընտրող յանձնաժողովի համանախագահ Ճորճ Քլունիին, ICFJ կազմակերպութիւնը  Երեւանի մէջ պիտի յայտարարէ լրագրողական այս նոր մրցանակի դափնեկիրը։

«Չափազանց մեծ է այն  դերը, որ լրագրողը ունի մարդոց խնդիրները լուսաբանելու եւ մեղմելու գործին մէջ: Միջազգային լրագրողներու կողմէ,  Հայոց Ցեղասպանութեան տարիներուն տեղի ունեցածը լուսաբանելու պատրաստակամութեան եւ ջանքերու շնորհիւ, շատ-շատեր ոտքի կանգնեցան եւ միջամտեցին։ Նոյն նուիրումը մենք այսօր կը տեսնենք Սուրիոյ, Սուտանի եւ աշխարհի բազմաթիւ այլ վայրերու մէջ, ուր պատերազմ ու աւերածութիւններ կան», ըսած է 100 LIVES նախաձեռնութեան համահիմնադիր Ռուբէն Վարդանեան։

ICFJ կազմակերպութիւնը «Սկզբունքային լուսաբանին» մրցանակը պիտի շնորհէ այն լրագրողին, որ դժուարին պայմաններու մէջ կը բարձրացնէ  մարդասիրութեան կարեւոր հիմնախնդիրները՝ ներկայացնելով վատագոյն իրադրութեան մէջ գտնուողները եւ իր ազնիւ ու անաչառ լրատուութեամբ  կը ոգեշնչէ  գործել յանուն մարդոց փրկութեան։

«ICFJ կազմակերպութիւնը պատիւ ունի համագործակցելու 100 LIVES նախաձեռնութեան հետ՝ նպատակ ունենալով կարեւորել այն լրագրողներուն գործունէութիւնը, որոնք կ’աշխատին աշխարհի ամենաթէժ վայրերուն մէջ: Մենք հպարտ ենք, որ կրնանք այսպիսի նշանակալի ճանաչման արժանացնել լրագրողները», նշած է ICFJի նախագահ Ճոյս Բարնաթանը։

Int Center for Journalists

 

 

Share Button

Leave a Reply

Your email address will not be published. Required fields are marked *

Media Partner