Սուրբ Գրիգոր Լուսաւորչի Տօնին Առիթով Արամ Ա. Վեհափառ Հայրապետը Կը Հրաւիրէ Մեր Ժողովուրդի Զաւակները Իրենց Կեանքը Հաւատքի Ուխտագնացութեան Վերածելու
Մեծի Տանն Կիլիկիոյ Կաթողիկոսութեան «Անթիլիասի Ուխտի Օր»ուան շրջագիծէն ներս, Շաբաթ` 1 Ապրիլ 2017-ին, նախագահութեամբ` Ն.Ս.Օ.Տ.Տ. Արամ Ա. Վեհափառ Հայրապետին, Սուրբ Գրիգոր Լուսաւորիչ Մայր Տաճարին մէջ տեղի ունեցաւ հսկումի հոգեպարար արարողութիւն՝ մասնակցութեամբ միաբան հայրերուն, դպրեվանեցիներուն եւ ուխտաւոր ժողովուրդին:
Հսկումի արարողութեան աւարտին, Նորին Սրբութիւնը հոգեւոր խորհրդածութիւն մը կատարեց, որու ընթացքին հակիրճ գիծերով անդրադարձաւ երեք մտածումներու.-
ա) Վեհափառ Հայրապետը կարեւորութեամբ շեշտեց, թէ սրբութիւնը աստուածային պարգեւ մըն է տրուած մարդուն, զոր մարդ իր կեանքի վարքագիծով պէտք է գործնապէս արժեւորէ իր կեանքին մէջ։ Յատկանշական է այն երեւոյթը, որ մեր եկեղեցւոյ կեանքին մէջ, պատմութեան ընթացքին, ժողովուրդը ի՛նք որպէս կենդանի եկեղեցի անձը կը սրբացնէ եւ յետոյ միայն եկեղեցւոյ իշխանութիւնը կանոնական կերպով կը սրբադասէ։ Այս ծիրէն ներս Վեհափառ Հայրապետը օրինակներ տուաւ հայոց պատմութենէն եւ վերջին օրինակը՝ Հայոց Ցեղասպանութեան մէկ ու կէս միլիոն նահատակները։
բ) Նորին Սրբութիւնը անդրադարձաւ «լուսաւորիչ» բառին։ Ան ըսաւ, թէ Գրիգոր Լուսաւորիչ ո՛չ միայն իր ապրած շրջանին Հայաստանը լուսաւորեց ու անցաւ յաւիտենականութեան գիրկը, այլ ան հայոց պատմութեան գալիք խաւար դարերը իր պայծառ ներկայութեամբ լուսաւորեց ու դարձաւ ճառագայթող լոյսը հայ ժողովուրդի պատմութեան։
գ) Արամ Ա. Կաթողիկոս նաեւ անդրադարձաւ ուխտագնացութեան իմաստին։ Ան շեշտեց ուխտագնացութեան կարեւորութիւնը իբրեւ հաւատքի ու հաւատարմութեան արտայայտութիւն։ Եկեղեցին դէպի Քրիստոսի երկրորդ գալուստը ընթացող ուխտագնացութիւն մըն է, եւ եկեղեցւոյ անդամ ըլլալ կը նշանակէ մասնակից դառնալ այդ ուխտագնացութեան։ Եկեղեցւոյ ու սուրբերու ուխտի օրերը առիթներ են մեզմէ իւրաքանչիւրին վերանորոգելու մեր հաւատքի ուխտագնացութիւնը։
Յայտնենք, որ մեր եկեղեցւոյ դարաւոր աւանդութեան համաձայն, ինչպէս բոլոր ուխտագնացութիւններու պարագային, Անթիլիասի Մայր Տաճարին մէջ եւս ուխտի եկած հաւատացեալներ գիշերեցին եկեղեցւոյ մէջ։
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
