Մերձաւոր Արեւելքի Հայ Աւետարանական Եկեղեցիներու Միութեան Նախագահ Վերապատուելի Մկրտիչ Գարակէօզեան Կ’ընդունի Ռ.Ա.Կ. Լիբանանի Շրջ.Վարչութեան Ներկայացուցիչները
Մերձաւոր Արեւելքի Հայ Աւետարանական Եկեղեցիներու Միութեան նախագահ Վերապատուելի Մկրտիչ Գարակէօզեան ընդունեց Ռ.Ա.Կ. Լիբանանի նորընտիր Շրջանային Վարչութիւնը գլխաւորութեամբ՝ ատենապետ Ընկ.Տոքթ. Աւետիս Տաքեսեանի եւ վարչական անդամներու:
Աւելի քան ժամ մը տեւող ընդունելութեան ընթացքին, Ռ.Ա.Կ. Լիբանանի Շրջանային Վարչութեան պատուիրակութիւնը Վեր.Գարակէօզեանին հետ քննարկեց ընդհանրապէս հայ ազգը յուզող հարցեր:
Հանդիպումը առիթ եղաւ անդրադառնալու լիբանանահայ գաղութի կեանքին՝ իր զանազան մարզերով ու ծալքերով, ինչպէս նաեւ Սփիւռքի հայկական համայնքներուն դիմագրաւած դժուարութիւններուն ընդհանրապէս եւ Միջին Արեւելքի համայնքներուն մասնաւորաբար: Վեր առնուեցաւ Հալէպի մէջ ծառայող հովիւներու կատարած գործը:
Վեր. Գարակէօզեան լայնօրէն անդրադարձաւ Հայաստանի, Արցախի եւ Սփիւռքի մէջ, Հայ Աւետարանական Եկեղեցւոյ ծաւալած գործունէութեան: Շեշտեց քրիստոնէական հաւատքով աշխատելու կարեւորութիւնը: «Այն ներուժը, զոր կը ստանանք քրոտոնէական հաւատքին ուժով անփոխարինելի է մեր կեանքին մէջ»,- ըսաւ ան:
Այնուհետեւ, զրոյցը զարգացաւ հայաստանեան իրականութենէն ներս, շեշտելով այն գործօնները, որոնք Հայաստանի ապագայական հեռանկարը կը դնեն ամուր հիմքերու վրայ:
Վեր. Գարակէօզեան յաջողութիւն մաղթեց Լիբանանի Ռ.Ա.Կ. նորընտիր Շրջանային Վարչութեան գործունէութեան: Հանդիպման աւարտին, որոշուեցաւ այս հանդիպումները դարձնել աւելի յաճախակի՝ համագործակցութիւնը ամրապնդելու համար երկու կողմերուն միջեւ:
Ռ.Ա.Կ. Լիբանանի Շրջանային Վարչութիւն
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
