ՌԱԿ Կեդրոնական Վարչութեան Պատուիրակութիւնը Հանդիպեցաւ ԼՂՀ Ազգային Ժողովի Նախագահին Հետ
Պաշտօնական այցով Լեռնային Ղարաբաղի Հանրապետութիւն այցելող ՌԱԿ Կեդրոնական Վարչութեան պատուիրակութիւնը, գլխաւորութեամբ ՌԱԿ Կեդրոնական Վարչութեան ատենապետ՝ Ընկեր Սերխիօ Նահապետեանի, պաշտօնական այցելութիւն մը տուաւ ԼՂՀ Ազգային Ժողովի նախագահ Աշոտ Ղուլեանին: Պատուիրակութեան մաս կազմեցին ՌԱԿ Կեդրոնական Վարչութեան փոխ-ատենապետ ընկ. Լեւոն Պըլըխեանը եւ վարչութեան գործակից անդամ, Արցախի Ռամկավար Ազատական (Լիպերալ Դեմոկրատ) Կուսակցութեան ատենապետ՝ ընկ. Բարդող Գալստեանը:
Ողջունելով ՌԱԿ-ի պատուիարակութիւնը՝ խորհրդարանի նախագահը նշեց, թէ որպէս հայ աւանդական կուսակցութիւն՝ Ռամկավար Ազատական Կուսակցութեան Արցախի մէջ գործունէութեան նոր թափ հաղորդելու ցանկութիւնը ընդունուած է ոգեւորութեամբ: Պրն. Աշոտ Ղուլեան նաեւ ընդգծեց, որ անհրաժեշտ է ամբողջական ներուժի համատեղում՝ համազգային նշանակութեամբ հարցերուն մէջ լուրջ արդիւնքներու հասնելու համար:
Պրն. Նախագահը նաեւ շեշտեց սփիւռքահայութեան ապրած երկիրներուն մէջ Լեռնային Ղարաբաղի Հանրապետութեան մասին աւելի եւս տեղեկութիւններ տարածելու անհրաժեշտութեան մասին:
Ընկ. Սերխիօ Նահապետեան իր կարգին ներկայացուց Սփիւռքահայութեան առկայ իրավիճակը եւ աւելցուց, որ ՌԱԿ-ը նոր գաղափարներ ու նոր ուղիներ կը փնտռէ՝ աւելի եւս արդիւնաւէտ գործունէութիւն ծաւալելու համար ինչպէս Սփիւռքի, այնպէս ալ՝ Հայրենիքի եւ Արցախի մէջ:
ՌԱԿ ԿԵԴՐՈՆԱԿԱՆ ՄԱՄԼՈՅ ԴԻՒԱՆ
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
