Ֆեթհիէ Չեթին «Զարթօնք»-ի Խմբագրատան Մէջ
Շաբաթ 28 Մարտ 2015-ի կէսօրին, «Զարթօնք»-ի խմբագրատուն այցելեց հանրածանօթ գրող՝ «Մեծ Մայրիկս» նշանաւոր գիրքին հեղինակ (որ նուիրուած է իր Հայազգի մեծ մայրիկին), Հրանդ Տինքի դատի իրաւաբաններէն, Հայ ժողովուրդի արդար Դատի ականաւոր պաշտպաններէն Տիկին Ֆեթհիէ Չեթին առաջնորդութեամբ՝ Հայ Կաթողիկէ Մեսրոպեան Բարձրագոյն վարժարանի տնօրէն՝ Պրն. Կրէկուար Գալուստի, որուն գլխաւորած վարժարանի հրաւէրով ան Պէյրութ կը գտնուի այս օրերուն, ներկայ գտնուելու եւ ելոյթ ունենալու զանազան ձեռնարկներու:
Ազնիւ հիւրին կ՛ընկերակցէին նաեւ՝ Հայոց Ցեղասպանութեան 100-ամեակի Ոգեկոչման Լիբանանի Կեդրոկան Մարմնի ատենապետ Տիկ. Սեդա Խտըշեան եւ անդամներ Պրն. Արթօ Քունտաքճեան եւ ընկ. Տոքթ. Վիգէն Ասիլեան, ինչպէս նաեւ Գերապատիւ Հայր Ղազար Վրդ. Պետրոսեան:
Ջերմ ու մտերմիկ մթնոլորտի մէջ կայացած հանդիպումը առիթ մըն էր մօտէն ծանօթանալու Տիկ. Չեթինի հայանպաստ անզուգական աշխատանքներուն, ուր ան համբերութեամ պատասխանեց մեր մէն մի հարցադրումին: Տիկ. Չեթին, Թուրք ժողովուրդին մօտ Հայոց Ցեղասպանութեան ու Դատին ի նպաստ վերջին տարիներուն ու մանաւանդ Հրանդ Տինքի սպաննութենէն ետք սկիզբ առած զարգացումներուն ու յառաջիկայ Ապրիլին Թուրքիոյ մէջ տեղի ունենալիք ժողովրդային հաւաքներուն եւ Հայոց Ցեղասպանութեան Ոգեկոչման առընչութեամբ կատարուելիք հաւաքներուն մասին մեզի փոխանցեց կարեւոր տեղեկութիւններ:
Հայազգի մեծ մօր արժանաւոր թոռնուհի՝ Տիկ. Ֆեթհիէ Չեթին դէպի արմատներ իր որոնումներու մէջ նաեւ ծանօթացաւ ընդհանրապէս մեր գաղութին ու մասնաւորաբար մեր թերթին եւ զայն հովանաւորող կուսակցութեան աշխատանքներուն:
«Խմբ.»
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
