Պէյրութի ՌԱԿ Պայքար Ակումբի Սուրբ Ծնունդի Ձեռնարկը
Արդեն իսկ աւանդական դարձած է Պայքար Ակումբի Սուրբ Ծննդեան տարեկան խրախճանքը: Արդարեւ, Երեքշաբթի 6 Յունուար 2015-ի երեկոյ, կը խայտար Պէյրութի Թէքէեան Կեդրոնի Հրաչեայ Սեդրակեան սրահը: Հաւաքուած էին հարիւր յիսունէ աւելի ՌԱԿ Պայքար եւ այլ Ակումբներու անդամներ եւ համակիրներ, միասնաբար ուրախանալու եւ տօնելու Յիսուս Մանուկի Ծնունդը: Ձեռնարկին ներկայ էին ՌԱԿ Կեդրոնական Վարչութեան անդամ՝ Ընկ. Հրայր Հովիւեանը, ՌԱԿ Լիբանանի Շրջանային Վարչութեան Ատենապետ՝ Ընկ. Միքայէլ Վայեճեանն ու Վարչութեան Անդամ՝ Ընկ. Տոքթ. Ժոզէֆ Կրպոյեանը:
Բացման խօսքով հանդէս եկաւ Ընկ. Կարօ Յակոբեան: Ան ՌԱԿ Պայքար Ակումբի անունով բարեգալուստ մաղթելէ ետք ներկաներուն, շնորհաւորեց Սուրբ Ծնունդը եւ ձեռնարկը բացուած յայտարարեց:
Արուեստագէտ Գոգօ Մկրտիչեան եւ պուզուգիստ Յարութ Կիւլիւզեան ընկերակցութեամբ իրենց նուագախումբին, ճոխ երգերով ստեղծեցին հաճելի մթնոլորտ մը եւ ներկաները իրենց ուրախութիւնը արտայայտեցին Հայկական ուրախ պարերով:
Հարազատ այս մթնոլորտին մէջ, բաժակաճառի համար բեմ հրաւիրուեցաւ Ընկ. Հրայր Հովիւեան: Ան յաւուր պատշաճի խօսքերով ողջունելէ ետք ՌԱԿ-ի ղեկավարութիւնը, Պայքար ակումբի վարչականները, կուսակցական ընկերներն ու ներկաները ընդհանրապէս, շեշտեց թէ. «Մենք կը հաւատանք չորս սրբութիւններու: Հայաստանի, Հայ Դատի, Ռամկավար Ազատական Կուսակցութեան եւ Լիբանանի: Իր խօսքին աւարտին ընկեր Հովիւեան մաղթեց, որ Հայոց Ցեղասպանութեան հարիւրամեակի տարին՝ 2015-ը Հայկական պահանջատիրութեան վիճակէ առաւելագոյն նուաճումներ, իսկ մեր սիրելի Լիբանան՝ արժանաւոր Նախագահ:»
Ընկերային ուրախ մթնոլորտի մէջ ներկաները շարունակեցին իրենց խրախճանքը մինչեւ առաւօտեան փոքր ժամերը:
Թղթակից
Leave a Reply
News
-
10.08.2020
Armenia delegation meets with Catholicos-Patriarch Krikor Bedros XX in
-
10.08.2020
Tehran’s Armenian church holds requiem in honor of Beirut explosion
-
10.08.2020
Lebanese Government prepares to resign
-
08.08.2020
200 new cases and 8 deaths in last 24 hours – Armenian Center For Disease
-
08.08.2020
Artsakh reports 2 coronavirus cases in last 24 hours
-
08.08.2020
Sarkissian visits bombarded border town, praises hero villagers and troops
-
08.08.2020
Over 300 ceasefire violations by Azerbaijan in one week, says Artsakh
-
07.08.2020
Post-Soviet area priority for Russia's foreign policy – Putin
-
07.08.2020
Sarkissian discusses Beirut Armenian community relief programs with AGBU
-
07.08.2020
13 Lebanese-Armenians killed in Beirut blast – embassy
