Author: Christina Aghalarian

Հայաստանում կորոնավիրուսի ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաների աշխատանքը կգնահատվի բազմակողմանիորեն: Պարետի որոշմամբ՝ արտակարգ դրության ժամանակ կորոնավիրուսի ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաներում դիտարկումներ (այդ թվում՝ որակի արտաքին հսկողություն) իրականացնելու նպատակով ստեղծվում է մասնագիտական խումբ: «Արմենպրես»–ի հարցմանն ի պատասխան ՀՀ առողջապահական եւ աշխատանքի տեսչական մարմնից տեղեկացրեցին, որ դրանում ներգրավվում են մասնագետներ ՀՀ առողջապահական եւ աշխատանքի տեսչական մարմնից, ՀՀ ԱՆ հիվանդությունների վերահսկման եւ կանխարգելման ազգային կենտրոնից եւ Չափագիտության ազգային ինստիտուտից։ Այս աշխատանքի արդյունքները շաբաթական կտրվածքով պետք է ներկայացվեն պարետին:

«Մասնագիտական խմբով վերահսկողությունը կարեւորվում է այն առումով, որ լաբորատորիաների աշխատանքը կգնահատվի բազմակողմանիորեն, չափագետների կողմից՝ գործիքային չափումների, Հիվանդությունների վերահսկման եւ կանխարգելման ազգային կենտրոնի կողմից՝ որակի նկատմամբ, իսկ ԱԱՏՄ-ն կդիտարկի ընթացակարգային, փաստաթղթային եւ նորմերի պահպանման հարցերը։ Պետք է շեշտել, որ պարետի նախորդ՝ թիվ 104 որոշմամբ ԱԱՏՄ-ին արդեն տրվել էր լիազորություն՝ մշտադիտարկելու այն լաբորատորիաները, որոնց ԱՆ-ն թույլատրել է իրականացնել ՊՇՌ հետազոտություններ։ Ըստ այդմ, մինչ մասնագիտական խմբի ձեւավորման որոշումը, ԱԱՏՄ-ն արդեն մի շարք լաբորատորիաներում իրականացրել էր ստուգայցեր, մշտադիտարկումներ, որոնց արդյունքները ներկայացվել են պարետին։  Հաշվի առնելով, որ արձանագրված խնդիրների հիմքով այս օրերին նշյալ լաբորատորիաների գործունեության կասեցումը կարող է հանգեցնել գործընթացի բնականոն ընթացքի խաթարման, տեսչական մարմինների համակարգման գրասենյակի առաջարկով՝ պարետի որոշմամբ՝ մշտադիտարկումները պետք է արվեն  միասնական աշխատանքային խմբով»,-ասված է տեսչական մարմնի տրամադրած պատասխանում։ 

Նշվում է, որ պարետի սահմանած անվտանգության կանոնների նկատմամբ մշտադիտարկման իրականացմամբ հանդերձ՝ ԱԱՏՄ-ն չի շեղվում իր կանոնադրական նպատակներից եւ լիազորություններից, մասնավորապես, բուժհաստատությունների, դեղերի, դեղատների նկատմամբ իր լիազորությունների շրջանակում վերահսկողության իրականացումից: 

Սիրիահայերի հիմնախնդիրները Համակարգող Կենտրոնը, վիշտ ու կարեկցանք կը յայտնէ բոլոր Լիբանանցիներուն՝ եղբայրական Լիբանանի մէջ տեղի ունեցած ողբերգական պայթումի կապակցութեամբ, կը ցաւակցի նահատակներու ծնողներուն, շուտափոյթ ապաքինում կը մաղթէ վիրաւորներուն:

Ս.Հ.Հ.Կենտրոնս պատրաստակամութիւն կը յայտնէ աշնանային կամ ձմեռնային անորակներ տրամադրել՝ վերջին երկու ամիսներուն Հայաստանի Հանրապետութիւն ժամանած Լիբանանահայերուն. ցանկացողներուն կը խնդրուի Լիբանանեան անձնագրով (passport), դիմել Երեւան, Քանաքեռ 1 ՀԲԸՄ Վահէ Կարապետեան, Ս.Հ.Հ.Կենտրոն, Երկուշաբթի 17.08.2020-ին, ժամը 12:00-էն 14:00.
Հեռ:011512251

Ցաւը համամարդկային է, վէրքը համազգային, իսկ մեր հարազատութիւնը՝ դարաւոր…

Սիրիահայերի Հիմնախնդիրները Համակարգող Կենտրոն ՀԿ

The Armenian government delegation comprised of High Commissioner for Diaspora Affairs Zareh Sinanyan and other officials met with Catholicos-Patriarch of Cilicia of the Armenian Catholic Church His Beatitude Krikor Bedros XX in Lebanon.

Armenian Ambassador to Lebanon Vahagn Atabekyan also attended the meeting, the High Commissioner for Diaspora Affairs Office said in a news release.

Krikor Bedros XX presented to the officials the situation of the Lebanese-Armenians and the human and material losses as result of the August 4 explosion in Beirut.

High Commissioner Zareh Sinanyan thanked for the reception and stressed that Armenia is providing assistance to the Government of Lebanon, the brotherly people of Lebanon, as well as the Lebanese-Armenian community. “The purpose of the visit is to have a deeper understanding on how we can assist our Lebanese-Armenian compatriots,” Sinanyan said.

In his remarks, His Beatitude stressed that Armenians around the world have two hearts – Armenia and the Diaspora, and was happy to note that finally the Armeian people have a free and independent fatherland. He also attached importance to the assistance they received from the Government of Artsakh. “Our brothers are with us, and this was a very beautiful gesture”, he said.

Sinanyan mentioned that two more planeloads with humanitarian aid will be delivered to Lebanon from Armenia.

Երևանում՝ Գիտությունների ազգային ակադեմիայում մեկնարկել է «Սևրի պայմանագիրը և հայկական հարցը» խորագրով գիտաժողովը՝ նվիրված Սևրի պայմանագրի 100-ամյակին: Գիտաժողովի մասնակիցներին ՀՀ վարչապետ Նիլոլ Փաշինյանն ուղղել էր իր ողջույնի խոսքը, որն ընթերցեց ԳԱԱ փոխնախագահ, ակադեմիկոս Յուրի Շուքուրյանը:  

«Ողջունում եմ Սևրի պայմանագրի ստորագրման 100-ամյա տարեդարձին նվիրված գիտաժողովի բոլոր մասնակիցներին: Իմ խորին երախտագիտությունն եմ հայտնում այս կարևորագույն միջոցառումը նախաձեռնելու համար: Սևրի հաշտության պայմանագիրը նշանակալից տեղ է զբաղեցնում հայ ժողովրդի ժամանակակից պատմության մեջ: Պատահական չէ, որ այն շարունակում է մնալ գիտական ուսումնասիրությունների և վերլուծությունների առարկա: Ուստի հույժ կարևոր է, որ մեկ դար առաջ կնքված այդ փաստաթղթի, դրան նախորդած իրադարձությունների և հաջորդած զարգացումների մասին մեր գիտնականների անկողմնակալ վերլուծությունները հասանելի լինեն թե՛ մեր ժողովրդին և թե՛ միջազգային լայն հանրությանը: Այսօրվա գիտաժողովը ծառայում է հենց այդ նպատակին, և ես հաջողություն եմ մաղթում դրա աշխատանքներին՝ ցանկանալով բոլորին արգասաբեր քննարկումներ և նոր կարևոր բացահայտումներ»,-նշել է ՀՀ վարչապետը: 

Նիկոլ Փաշինյանն իր ողջույնի խոսքում ընդգծել է, որ Սևրի պայմանագիրը պատմական փաստ է: Այն մնում է այդպիսին մինչև այսօր: 

«Ինչո՞վ է այդ փաստաթուղթը հայ ժողովրդի համար կարևոր: Ինչո՞ւ է այն առ այսօր մեր ուշադրության կենտրոնում: Նախ՝ Սևրի պայմանագիրը կնքվեց մարդկության պատմության ամենադրամատիկ էջերից մեկի՝ Առաջին համաշխարհային պատերազմի արդյունքների հիման վրա, դրա ավարտից շուրջ երկու տարի անց: Ինչպես Վերսալի պայմանագիրը խաղաղություն էր հաստատում Եվրոպայում, այնպես էլ Սևրի պայմանագիրը՝ Օսմանյան կայսրության նախկինում պատկանող Առաջավոր Ասիայի տարածքներում: Այն վերջ էր դնում պատերազմի պատճառով այդ տարածաշրջանի ժողովուրդների կրած տառապանքներին և զրկանքներին: Այն «անիծյալ տարիների» ավարտն էր ազդարարում: Ինչպես Վերսալի պայմանագիրը Եվրոպայում, այնպես էլ Սևրի պայմանագիրը միջպետական հարաբերությունների նոր համակարգ էր ձևավորում տարածաշրջանում: Այն նոր սկզբունքներ ու արժեքներ էր ներմուծում, ոչ միայն խաղաղություն, այլ  նաև արդարություն էր հաստատում Առաջավոր Ասիայում»,-նշել է Նիկոլ Փաշինյանն՝ ավելացնելով, որ պայմանագիրը կազմվել էր ժամանակի ամենաառաջադեմ գաղափարների հիման վրա: Նրա խոսքով՝ առանցքայինն այնտեղ ազգերի ինքնորոշման և իրավահավասարության սկզբունքն էր: Այն վերջ էր դնում կայսրությունների պարտադրած դարավոր ստրկությանը և ազատություն ու անկախություն պարգևում տարածաշրջանի ժողովուրդներին: 

«Ավելին, պատմական տարածքներում ազգային պետություններ հիմնելու իրավունք տրամադրելով, այն բարենպաստ պայմաններ էր ստեղծում տարածաշրջանում մուսուլման և քրիստոնյա ժողովուրդների համակեցության, խաղաղ գոյակցության և տարածաշրջանի քաղաքակրթական բազմազանության պահպանման և հետագա զարգացման համար:  Երկրորդ՝ Սևրի պայմանագիրը միջազգային այն փաստաթուղթն է, որը ճանաչեց և ամրագրեց Հայաստանի անկախությունը: Հայաստանի Հանրապետությունը հանդես էր գալիս որպես այդ պայմանագրի իրավահավասար կողմ: Անկախության կորստից դարեր անց Հայաստանի իշխանություններն առաջին անգամ աշխարհի մեծ տերությունների հետ մեկտեղ կնքում էին միջազգային պայմանագիր: Հայաստանի Հանրապետությունը պայմանագրում նախանշված սահմաններում ճանաչվում էր որպես միջազգային հարաբերությունների լիիրավ անդամ և միջազգային իրավունքի իրավահավասար սուբյեկտ»,-նշել է Նիկոլ Փաշինյանը: 

ՀՀ վարչապետն իր խոսքում ընդգծել է, որ պայմանագրի կողմ հանդիսանալու միջոցով ճանաչում էր ստանում նաև Հայաստանի և հայ ժողովրդի ներդրումը՝ Առաջին համաշխարհային պատերազմում դաշնակից պետությունների կրած հաղթանակի և խաղաղության հաստատման գործում: Ընդգծվում և հավուր պատշաճի գնահատվում էր հայ ժողովրդի դերակատարումը միջազգային հարաբերություններում և աշխարհի հետպատերազմյան կառավարման գործում:  

«Երրորդ՝ Սևրի պայմանագիրն իր 89-րդ հոդվածով փաստում և ամրագրում էր հայ ժողովրդի պատմական անվիճելի առնչությունը Հայկական լեռնաշխարհի հետ, որտեղ հազարամյակներ ի վեր ծնվել, ապրել և պետականություն ու մշակույթ էր կերտել հայ ժողովուրդը:  Եվ վերջապես, Սևրի պայմանագիրը կնքվեց Հայոց Մեծ եղեռնի տարիներին հաջորդած ժամանակաշրջանում: Հայ ժողովուրդը ենթարկվել էր ամենադաժան և անմարդկային տառապանքների: Հսկայական էին նրա կրած կորուստները: Մինչդեռ Սևրի պայմանագիրը ճանապարհ էր հարթում ցեղասպանության հետևանքների հաղթահարման համար: Հայ ժողովրդի պատմական բնօրրանում անկախ պետականության ստեղծման միջոցով արդարացի լուծում էր ստանում հայկական հարցը, վերականգնվում էր պատմական արդարությունը, բարենպաստ պայմաններ էին ստեղծվում մեր ժողովրդի տնտեսական և ժողովրդագրական ներուժի վերականգնման, նրա բնականոն զարգացման և առաջընթացի համար: Չնայած Սևրի պայմանագիրն այդպես էլ կյանքի չկոչվեց, այն շարունակում է գոյություն ունենալ որպես պատմական փաստ, մեր պարտքն է հիշել այն, գիտակցել և պահպանել նրա խորհուրդը»,-իր խոսքը եզրափակել է Նիկոլ Փաշինյանը: