Աներեսութեան Գագաթնակէտը
*ՍԵՒԱԿ ՅԱԿՈԲԵԱՆ*
Այն կեղծիքը, որ ընտրական նոր օրէնքի հարցով կը կատարուի երկրին մէջ՝ անսահմանելիօրէն ամօթալի երեւոյթ է:
Նման իրավիճակ աւելի կը համապատասխանէ աշիրէթի, քան ինքզինք յարգող հանրապետութեան:
Ո՞ւր լսուած է որոշ ժամանակաշրջանի մը համար ընտրուած մարմին մը ինքզինք վերընտրէ «երկարաձգելու» պիտակին տակ: Իրականութեան մէջ եւ ինչպէս նախորդ երկու անգամներու յետաձգումի բեմադրութեան, այսօրուան՝ խորհրդարանի (բարեբախտաբար չեղեալ) նիստը եթէ իրականանար, լաւագոյն պարագային զայն կարելի էր կոչել խումբ մը մարդոց կողմէ խորհրդարանի բռնագրաւումին երկարաձգում ցնոր տնօրինում… կամ մինչեւ ալլա եըֆրըժհա…:
Մետասաներորդ վայրկեանին երկրին նախագահին միջամտութիւնը խորհրդարանական նիստը յետաձգելու՝ ցաւազրկիչ դեղահատ մըն է սակայն անշուշտ, որուն ազդեցութիւնը ամիսէ մը կրնայ կորսուիլ եւ մենք գտնուինք միեւնոյն խայտառակութեան գիրկը:
Ո՛վ ըսաւ, որ տարիներէ ի վեր չիրագործուած օրէնքի մը նախագիծը ամիսէ մը կրնայ մէջտեղ գալ ու վաւերացուիլ այն նոյն մարդոց կողմէ, որոնք այս խայտառակութեան պատասխանատուներն են:
Խայտառակին խայտառակն ալ կայ, սակայն, որ երկարաձգումի ծրագիրը արդարացնելու համար տրուած պատճառաբանութիւններն են…: Լիբանանեան ասացուածք մըն ալ կայ, որ կ’ըսէ. «Պատճառաբանութիւնը աւելի տգեղ է, քան ինքնին՝ յանցանքը»…
Ինչպէ՞ս կարելի է Լիբանանի մէջ երեսփոխանական ընտրութիւններ յետաձգել, օրինակի համար սուրիական արհաւիրքը պատճառաբանելով, մինչ խնդրոյ առարկայ Սուրիան ինքը երեսփոխանական ընտրութիւններ կայացուց իր դիմակալած թոհուբոհին մէջ…:
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات
