• London

  • Beirut

  • Moscow

  • Los Angeles

  • Paris

  • Sydney

  • Toronto

29. 03. 2023

ՄՏԱՀՈԳ ԵՒ ԱՆՀԱՆԳԻՍՏ Է ԹՈՒՐՔԻԱՆ

10.07.2014   09:28

*ՀԱՅԿ ՆԱԳԳԱՇԵԱՆ*

Haig Naccashian

Ռամկավար Ազատական Կուսակցութեան Յունաստանի պաշտօնաթերթ «Նոր Աշխարհ»ի 9 Յունիսի (2014) թիւին առաջին էջին վրայ թրքական «Ռատիքալ» թերթէն արտադրուած է «Հայ եւ Թուրք Մտաւորականներ Խաղաղութեան Միացեալ Կոչ Կ’ընեն» խորագրեալ յօդուածը: Կոչը ստորագրած են աւելի քան երկու տասնեակ թուրք եւ հայ մտաւորականներ՝ Ճենկիզ Աքթար, Ահմէտ Ինսէլ, Ալի Պայրամօղլու, Սամիմ Աէկէօնիւլ, Սերժ Աւետիքեան, Արմանտ Սարեան, Աղաւնի Փամուքճեան, Տենիս Տօնիկեան եւ այլն:

Հայ ժողովուրդի ճակատագրին հետ առընչուած այս նախաձեռնութեան հեղինակները ներողամիտ թող ըլլան, որ գէթ ինծի համար անծանօթներ են, նկատելով որ անոնց ոեւէ մէկուն կողմէ գրուած յօդուած չեմ տեսած աշխարհատարած Հայ մամուլին մէջ:

Այսպիսի պատասխանատու նախաձեռնութիւն արտօնուած կրնայ ըլլալ մեր կուսակցութիւններուն, խմբագիրներուն, կամ հեղինակաւոր հրապարակագիրներուն՝ իրենց պատկանած կազմակերպութեան համաձայնութեամբ:

«Մտաւորականները» կը շեշտեն թէ իբրեւ խաղաղութեան խորհրդանիշ մատնանշուող Արարատ լեռը կրնայ հայերու եւ թուրքերու համար իւրօրինակ ազատ գօտի ըլլալ, միաժամանակ հանդիսացող խաղաղութեան փարոսարկու՝ անշուշտ մնալով Թուրքիոյ մէջ, «Աղրը Տաղ» անունով:

Ցեղասպանութեան 100-ամեակի նախօրեակին անհանգիստ ու մտահոգ Թուրքիան պատմաբաններ եւ իրաւաբաններ վարձելու աշխատանքին լծուած է, մանաւանդ օգտագործելով մեծամիտ ու փառասէր հայեր, որոնց վերոյիշեալ «Միացեալ Կոչ»ը իրենց գիտակից-անգիտակից ծանծաղամտութեան, կամ ազգադաւութեան ապացոյցն է: Բարեբախտաբար քիչ են անոնք:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner