• London

  • Beirut

  • Moscow

  • Los Angeles

  • Paris

  • Sydney

  • Toronto

Երեւանի Դպրոցներէն Մէկը Պիտի Անուանակոչուի Ռոպերթ Ապաճեանի Պատուին

21.04.2017   07:51

Ապրիլ 18-ին Երեւանի աւագանիի կրթութեան, մշակոյթի, մարմնակրթութեան եւ զբօսաշրջութեան յանձնաժողովին ներկայացուած է որոշման նախագիծ, որմով առաջարկուած է Երեւանի թ.147 դպրոցը անուանակոչել Արցախի հերոս, այդ դպրոցի շրջանաւարտ Ռոպերթ Ապաճեանի անունով:

Ըստ «Panarmenian.net»-ի՝ աւագանիի անդամ Անահիտ Բախշեան դիմատետրի իր էջին կատարած արձանագրութեամբ տեղեկացուցած է, որ յանձնաժողովի անդամները միաձայն դրական եզրակացութիւն տուած են այդ նախագիծին:

«Ուրախ եմ այս նախագիծին համար»,- գրած է Բախշեան:

Յիշեցնենք, որ Ռոպերթ Ապաճեանը զոհուած է Քառօրեայ պատերազմի ընթացքին` Ապրիլ 2-ի գիշերը` Մարտակերտի ուղղութեամբ տեղակայուած իրենց դիրքը անձնազոհաբար պաշտպանելու պահուն:

2016 Սեպտեմբերին Ռոպերթ Ապաճեանի պատուին անուանակոչուած է նաեւ ԼՂՀ Քաշաթաղի շրջանի Հերիկ գիւղի նորակառոյց դպրոցը:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner