Իրանի եւ Հայաստանի Յարաբերութիւնները Բարելաւուած Են․Հասան Ռոհանի
Իրան երբե՛ք միջուկային համաձայնութիւնը չի խախտեր: Իրանական «Մեհր» լրատուական գործակալութեան փոխանցմամբ` երէկ լրագրողներու հետ հանդիպման ժամանակ յայտարարած է Իրանի նախագահ Հասան Ռոհանի:
Panorama.am-ի փոխանցմամբ` իրանի նախագահը, անդրադառնալով օրերս Միացեալ Նահանգներու կողմէ Սուրիոյ մէջ ռազմակայանի հրթիռակոծման, մասնաւորապէս ըսած է. «Ամերիկացիները երբեք չեն գործած միջազգային օրէնքներու ծիրէն ներս, նոյնիսկ այն պարագային, երբ մեր նկատմամբ պատժամիջոցներ կը կիրառուէին: ԱՄՆ-ն ինքզինք հռչակած է աշխարհի առաջնորդ: Սուրիոյ մէջ գործած հրթիռակոծութիւնը սխալ էր, եւ անիկա կը բխէր ահաբեկիչներու շահերէն: Նման քայլերու կրկնութիւնը տարածաշրջանի համար չափազանց վտանգաւոր է»:
Անդրադառնալով միջուկային համաձայնութեան, Իրանի նախագահը յայտարարած է, որ Իրան երբե՛ք միջուկային համաձայնութիւնը չի խախտեր, անիկա միջազգային համագործակցութեան համար բարենպաստ պայմաններ կ՛ապահովէ:
Անդրադառնալով հարեւաններու հետ յարաբերութիւններուն` Հասան Ռոհանի աւելցուցած է. «Մեր նպատակն է բարելաւել հարեւաններու հետ մեր յարաբերութիւնները: Նկատելի է, որ մենք աւելի բարելաւած ենք մեր յարաբերութիւնները Ռուսիոյ, Հայաստանի, Թուրքմէնիստանի, Փաքիստանի, ինչպէս նաեւ Օմանի հետ»:
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات
