• London

  • Beirut

  • Moscow

  • Los Angeles

  • Paris

  • Sydney

  • Toronto

Վատիկանի Մէջ Ցուցադրուած է Հայոց Ցեղասպանութեան Մասին Պատմող «Խոստումը» Ֆիլմը

06.04.2017   08:59

Հայոց Ցեղասպանութեան մասին պատմող հոլիվուտեան «Խոստումը» ֆիլմը Ապրիլ 4-ին ցուցադրուած է Վատիկանի մէջ:

Ըստ Armenpress.am-ի՝ Variety հաղորդած է, թէ ցուցադրման ներկայ եղած են ֆիլմի բեմադրիչ Թերի Ճորճը, արտադրող Էրիք Էսրաիլեանը, ֆիլմի սաունդթրեքի հեղինակ Քրիս Քորնելը, յայտնի դերասաններ Շորեհ Աղտաշլուն եւ Ճէյմս Քրոմուէլը:

Էրիք Էսրաիլեան յիշատակած է նախորդ տարի Հռոմի Ֆրանչիսկոս պապի` Հայաստան կատարած այցը` պատմելով, թէ ինչպիսի հիացմունք առաջացուցած է հաւատաւոր հայերու մէջ անոր կողմէ «ցեղասպանութիւն» եզրոյթին կիրառումը: «Երբ Վատիկանի մէջ տեղեկացան ֆիլմի պատրաստման մասին, կապուեցան մեր հետ` կազմակերպելու ֆիլմի ցուցադրութիւնը»,- յայտնած է ան:

Յիշեցնենք, որ «Խոստումը» ֆիլﬕ նկարահանման ծախսերը հոգացած է աﬔրիկահայ գործարար, ﬕլիառատէր Գըրգ Գըրգորեանը, որուն մասին յայտնի դարձած է անոր մահուան օրը:

 

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner