• London

  • Beirut

  • Moscow

  • Los Angeles

  • Paris

  • Sydney

  • Toronto

Հայաստանի Ընտրութիւնները Կ’արտացոլեն Ժողովուրդի Կամքը. ԵՄ

05.04.2017   09:04

Եւրոմիութեան արտաքին յարաբերութիւններու ծառայութեան խօսնակ Մայա Կոչիյանչիչ ըսած է, որ Ապրիլ 2-ին Հայաստանի մէջ կայացած Ազգային Ժողովի ընտրութիւնները կ’արտացոլեն ժողովուրդին կամքը:

«Միջազգային դիտորդական առաքելութեան նախնական գնահատականներու համաձայն, ընտրութիւնները լաւ կազմակերպուած էին եւ հիմնարար ազատութիւնները հիմնականօրէն յարգուած են: Սակայն ընտրութիւններուն վրայ ստուեր նետած են  արժանահաւատ տեղեկութիւնները ընտրակաշառքի, քաղծառայողներու եւ մասնաւոր ընկերութիւններու աշխատակիցներու վրայ ճնշումներու մասին, որ ազդած է ընտրական գործընթացի հանդէպ մարդոց վստահութեան վրայ: Այդուհանդերձ, ընտրութիւններու արդիւնքները կ՛արտացոլեն ժողովուրդի ընդհանուր կամքը», – ըսած է Մայա Կոչիյանչիչ:

«Եւրոպական Միութիւնը հաւատարիմ է կայուն, ժողովրդավարական եւ բարգաւաճ ապագայի կերտման Հայաստանի համար: Ընտրական գործընթացը աւարտած է, եւ մենք մտադիր ենք աշխատելու ժողովրդավարական կերպով ընտրուած Ազգային Ժողովի եւ Կառավարութեան հետ` մեր քաղաքական երկխօսութիւնը ամրապնդելու եւ վերջերս նախաստորագրուած Համապարփակ եւ ընդլայնուած գործընկերութեան համաձայնագրի հիման վրայ տնտեսական եւ ընկերային բարեփոխումներուն աջակցելու համար», – ըսած  է ԵՄ արտաքին յարաբերութիւններու ծառայութեան խօսնակը:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner