• London

  • Beirut

  • Moscow

  • Los Angeles

  • Paris

  • Sydney

  • Toronto

Յունաստանի Արտաքին Գործոց Նախարարը Յարգանքի Տուրք Մատուցեց Հայոց Ցեղասպանութեան Նահատակներու Յիշատակին

10.03.2017   08:40

Պաշտօնական այցով Հայաստան ժամանած Յունաստանի արտաքին գործոց նախարար Նիքոս Կոցիասը Մարտ 9­-ին այցելած է Հայոց ցեղասպանութեան յուշահամալիր: Նախարարը ծաղկեպսակ տեղադրած է յուշարձանին մօտ եւ յաւերժական կրակին դիմաց մէկ վայրկեան լռութեամբ յարգանքի տուրք մատուցած Հայոց ցեղասպանութեան անմեղ նահատակներու յիշատակին:

«Արմենփրես-­ի հաղորդմամբ` Հայոց ցեղասպանութեան հիմնարկի տնօրէն Հայկ Դեմոյեանի ուղեկցութեամբ պարոն Նիքոս Կոցիասը շրջած է թանգարանին մէջ, ծանօթացած Հայոց ցեղասպանութեան պատմութեան, ողբերգական դրուագներուն եւ իրողութիւններուն:

Հրաժեշտէն առաջ Յունաստանի արտաքին գործոց նախարար Նիքոս Կոցիասը գրած է պատուաւոր հիւրերու Յուշամատեանին մէջ, որմէ ետք ՀՑԹԻ տնօրէն Հայկ Դեմոյեան անոր նուիրեց «Հայոց ցեղասպանութեան լուսաբանումը համաշխարհային մամուլի առաջին էջերուն» գիրքի անգլերէն հրատարակութիւնը:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner