• London

  • Beirut

  • Moscow

  • Los Angeles

  • Paris

  • Sydney

  • Toronto

Արամ Ա. Կաթողիկոս Մեկնեցաւ Հայաստան

25.01.2015   23:21

Շաբաթավերջին Արամ Ա. Կաթողիկոս Պէյրութէն Երեւան մեկնեցաւ: Հայաստան իր կեցութեան ընթացքին Նորին Սրբութիւնը պիտի մասնակցի Հայոց Ցեղասպանութեան 100-ամեակի նշման Կեդրոնական Յանձնախումբի ժողովին, ինչպէս նաեւ երկու Վեհափառ Հայրապետները պիտի նախագահեն Հայոց Ցեղասպանութեան նահատակներու Սրբադասման Յանձնախումբի ժողովը։

Հայոց Ցեղասպանութեան 100-րդ Տարելիցի Միջոցառումները Համակարգող Պետական Յանձնաժողովի 5-րդ Նիստ

Յառաջիկայ օրերուն՝ Երեքշաբթի 27 Յունուարէն մինչեւ Ուրբաթ 30 Յունուար 2015 երկարող օրերուն Երեւանի մէջ պիտի գումարուի Հայոց Ցեղասպանութեան 100-րդ տարելիցի միջոցառումները համակարգող պետական յանձնաժողովի 5-րդ նիստը, որուն պիտի մասնակցի նաեւ ՌԱԿ Կեդրոնական Վարչութեան ատենապետ ընկ. Մայք Խարապեան, օրակարգ ունենալով վաւերացնել Հայոց Ցեղասպանութեան  100-ամեակի առիթով հրապարակուելիք համահայկական պատմական հռչակագիրը ինչպէս նաեւ ոգեկոչման միջոցառումներու այլ մանրամասնութիւններու քննարկում եւ հայկական պահանջատիրութեան վերաբերող  թղթածրարի նախապատրաստման աշխատանքներու ձեռնարկում: Տեղի պիտի ունենայ նաեւ Հայոց Ցեղասպանութեան 100-ամեակի կայքէջի շնորհահանդէս եւ մեկնարկ:

Նշենք թէ, Հայոց Ցեղասպանութեան  100-ամեակի Համահայկական Հռչակագիրը, արեւելահայերէն եւ արեւմտահայերէնի կողքին լոյս պիտի տեսնէ նաեւ անգլերէն, ֆրանսերէն, սպաներէն, գերմաներէն, ռուսերէն, թրքերէն եւ արաբերէն լեզուներով:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner