• London

  • Beirut

  • Moscow

  • Los Angeles

  • Paris

  • Sydney

  • Toronto

Վարչապետ Աբրահամեան Մասնակցեցաւ Փոքրիկն Սերոժայի Հոգեհանգստեան Արարողութեան

20.01.2015   21:55

Կիւմրիի մէջ  երէկ տեղի ունեցաւ    մահացած  փոքրիկն Սերոժա Աւետիսեանի հոգեհնագստեան պաշտօնը, որուն իր մասնակացութիւնը բերաւ ՀՀ վարչապետ Յովիկ Աբրահամեան: Ըստ  «Ազատութիւն» ռատիօկայանի լրագրողին Սուրբ Նշան եկեղեցիին մէջ  կանգնելու տեղ չկար: Ամբողջ քաղաքը մասնակցած է   հոգեհանգստեան  արարողութեան:

Հոգեհանգստեան արարողութեան ընթացքին յաւուր պատշաճի պատգամ արտասանեց  Շիրակի մարզի առաջնորդ՝ Տ. Միքայէլ Եպս. Աջապահեան: Սրբազան հայրը իր խօսքին մէջ հիացում  արտայայտեց կիւմրեցիներու  ցուցաբերած տոկունութեան եւ  կամքին առթիւ: Սրբազանը նաեւ  ըսաւ, որ  յետ այսու որեւէ մարդու քիթը  պէտք չէ արիւնի եւ այդ մէկը  Աւետիսեաններու   ընտանիքի 7-րդ անդամի պատգամն է: Սրբազանը իր խօսքին ընթացքին  յոյս յայտնեց , որ մեր ժողովուրդը հոգիի անմահութեան մէջ կը գտնէ իր   ցաւերուն մխիթարութիւնը: Ան նաեւ ըսաւ, որ Աւետիսեանները սպաննած ճիւաղը կորսնցուցած է մարդ կոչուելու իր իրաւունքը եւ ինք  վստահ է , որ ան իր պատիժը պիտի ստանայ  ոչ  միայն Հայաստանի մէջ՝ այլ հանդերձեալ կեաքին մէջ:  Սրբազանը իր  խօսքը աւարտելով ըսաւ. «Մենք հզօր ժողովուրդ ենք եւ պիտի կարողանանք այս վիշտը տանիլ  մինչեւ վերջ  տանիլ»:

«Հայկական Ժամանակ» Օրաթերթը Սեւ Նկարներ Տեղադրած Է Փոքրիկն Սերոժայի Մահուան Սուգին

JamanagՀայրենի «Հայկական ժամանակ»  օրաթերթը երէկ հրապարկուած է սեւ պատկերներով: Թերթը իր տեղադրելիք նկարներուն փոխարէն հրապարակած է սեւ պատկերները՝     այդպէսով արտայայտելով իր վերաբերմունքը   Կիւմրիի սպանդին  զոհ գացած Աւետիսեաններու   ընտանիքի  7-րդ անդամին ՝ փոքրիկն Սերոժայի      մահուան սուգին: Նշենք, որ ընկերային ցանցերու վրայ եւս   ՀՀ քաղաքացիներ սեւ պատկերներ կը տեղադրեն եւ կը պահանջեն Հայաստանի մէջ սուգի օր յայտարարել: 


Հրանդ Տինքի Որդին Պատգամաւորութեան Թեկնածո՞ւ

 Dink SonՅառաջիկայ Յունիսին   Հրանդ Տինքի որդին  կրնայ  որպէս թեկնածու Թուրքիոյ  խորհրդարանին ընտրութիւններուն մասնկացիլ: Այս մասին  գրած է թրքական «Թարաֆ» օրաթերթը յայտնելով, թէ    քրտամէտ «Ժողովուրդներու տէմոքրաթական» կուսակցութիւնը     Հրանդ Տինքի այրիին՝  Ռաքէլին կամ անոր որդիին ՝ Արետին մտադիր է  առաջարկել   իր ցանկերուն մէջ ըլլալ որպէս  պատգամաւորական թեկնածու: Թերթը նաեւ կը յիշեցնէ, որ  կուսակցութիւնը  Թուրքիոյ    81 նահանգներու մէջ    պիտի ունենայ 550   պատգամաւորական թեկնածուներ:

 

 

Հայկական Սահմանին Զոհուած Է 20 Տարեկան Զինծառայող Սուրէն Փիլոյեանը

Լեռնային Ղարաբաղի հանրապետութեան պաշտպանութեան նախարարութեան  տուելաներով, երէկ սահմանի հարաւային շրջանին վրայ  հայկական բանակի զինծառայող մը զոհուած է: Նշենք, որ  զինծառայողը կը կոչուի  Սուրէն Փիլոյեան եւ ան    20     տարեկան է:  Աղբիւրը նաեւ յայտնած է, թէ թշնամին հայկական դիրքերու ուղղութեամբ առկայ հրադադարը  խախտած է 220 անգամ եւ արձակած  2000  կրակոց: 

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner