• London

  • Beirut

  • Moscow

  • Los Angeles

  • Paris

  • Sydney

  • Toronto

Երեւանը 2017-ի Զբօսաշրջային Մատչելի Քաղաք` Ըստ Momondo-ի

01.02.2017   19:37

Բրիտանական յայտնի www.momondo.co.uk որոնողական համակարգը Երեւանը ներառած  է 2017 թուականի մատչելի զբօսաշրջային քաղաքներու շարքին: Այս մասին կը տեղեկացնէ Երեւանի քաղաքապետարանի զբօսաշրջութեան բաժինը:

Յօդուածին մէջ ընտրուած են ամբողջ տարուան համար այցելութեան նախընտրելի քաղաքները: Երեւան այցելելու համար խորհուրդ կը տրուի ընտրել Յունիս ամիսը:

Նախընտրելի եւ մատչելի քաղաքներու շարքին են նաեւ Պուլկարիոյ Սոֆիա, ԱՄՆ Թեքսաս նահանգի Սան Անթոնիօ, Իռլանտայի Պելֆասթ, Ուքրանիոյ Լուով, Յունաստանի Քալամաթա քաղաքները եւ այլն:

Հեղինակները Երեւանի մէջ պարտադիր այցելութեան վայրերէն նշած են Հիւսիսային պողոտան, Օփերայի շրջակայքն ու Հանրապետութեան հրապարակը, ուր այցելուները կրնան հիանալ իւրօրինակ պարող շատրուաններով:

Հայաստանի մայրաքաղաքը ընգրկուած է ռուսերու աշնանային նախընտրելի ուղեւորութիւններու լաւագոյն տասնեակին մէջ: Վարկանիշը ներկայացուած է ըստ հիւրանոցներու եւ վարձով բնակարաններու որոնման եւ ամրագրման տուեալներու 2016-ի Նոյեմբեր 4-6-ը ժամանակաշրջանին: Նոյեմբերի տօներուն նախընտրելի քաղաքներու 10-ին մէջ էին Երեւանը, Պրահան, Մինսկը, Տալլինը, Պաքուն, Թիֆլիսը, Վիլնիւսը, Ռիկան, Հելսինքին եւ Լոնտոնը:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner