• London

  • Beirut

  • Moscow

  • Los Angeles

  • Paris

  • Sydney

  • Toronto

11. 08. 2022

Ստորագրահաւաք՝ Միհրան Յարութիւնեանի Ոսկի Մետալը Վերականգնելու Պահանջով

20.08.2016   23:11

Հանրագիր-պահանջներու միջազգային Change.org կայքին մէջ ստորագրահաւաք  սկսած է  Ռիօ տէ Ժանէյրոյի 31-րդ Ողիմպիական խաղերու յունահռոմէական ոճի ըմբշամարտի Օգոստոս 16-ին կայացած եզրափակիչին սերպ ըմբիշ Տաւոր Շտեֆանեկի հետ մենամարտին հայ ըմբիշ Միհրան Յարութիւնեանին յանիրաւի պարտութիւն արձանագրելու արդիւնքով կորսնցուցած ոսկի մետալը վերականգնելու պահանջով:

Կայքին մէջ տեղադրուած խնդրագիրը այս պահի դրութեամբ արդէն ունի 26 908-էն աւելի ստորագրութիւն: Նախաձեռնութեամբ Ըմբշամարտի միջազգային ֆետերացիայի եւ ՄՕԿ-ի նախագահ Թոմաս Պախին  կոչ կ’ուղղուի վերականգնել արդարութիւնը:

«Մարզանքի մէջ արձանագրուած իւրաքանչիւր անարդարութիւն ստուեր կը նետէ Ողիմպիական խաղերուն վրայ: Ռիօ տէ Ժանէյրոյի Ողիմպիական խաղերու կազմակերպիչները պէտք է միանան այս խնդրագիրին եւ միջոցներ ձեռնարկեն արդարութիւնը վերականգնելու ուղղութեամբ: Ռիօ տէ Ժանէյրոյի իրականացուող 31-րդ Ողիմպիական խաղերու յունահռոմէական ոճի ըմբշամարտի եզրափակիչին` սերպ ըմբիշ Դաւոր Շտեֆանեկի հետ մենամարտի ժամանակ, հայ ըմբիշ Միհրան Յարութիւնեան զրկուեցաւ ոսկի մետալէն կանխակալ մրցավարութեան պատճառով: Ատիկա խայտառակութիւն է յունահռոմէական ըմբշամարտին համար: Ողջ աշխարհը դարձաւ այն փաստի վկան, թէ, իրականութեան մէջ, ով է ախոյեանը», – «Հայերն այսօր»-ի փոխանցմամբ` կը նշուի խնդրագիրին մէջ:

Յարգելի հայրենակիցներ, հանրագիր-պահանջին կրնաք միանալ հետեւեալ յղումով change.org

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner