• London

  • Beirut

  • Moscow

  • Los Angeles

  • Paris

  • Sydney

  • Toronto

04. 12. 2021

Իրաքի Թուրքմէնները Յայտարարած են, Որ Կը Ցանկան Կռուիլ Նաեւ Ղարաբաղի Համար

17.07.2016   19:11

Իրաքի մէջ «Իսլամական պետութիւն» (ԻՊ) ահաբեկչական կազմակերպութեան դէմ կռուող շիա թուրքմէններու կամաւորական ուժերու 16-րդ ջոկատի զինեալները  յայտարարած են, թէ Իրաքը ԻՊ-էն մաքրելէ ետք պիտի կռուին «Ղարաբաղի ազատագրութեան» համար:

Ըստ ermenihaber.am-ի՝ թրքական «Vatan» թերթի կայքը կը գրէ, որ ԻՊ-ի դէմ իրականացուած ռազմական գործողութեան ժամանակ շիա թուրքմէնները ծածանած են Ազրպէյճանի դրօշը եւ կրած են շալեր, որոնց վրայ գրուած եղած է «Ղարաբաղ»:

Ռազմական գործողութենէն ետք յայտարարութիւն ըրած է 16-րդ թուրքմէնական ջոկատի հրամանատար Ապու Թայիր Պեշիրլին: Վերջինս Իրաքի թուրքմէններու անունէն ողջիւններ յղած է Ազրպէյճանի ժողովուրդին` ըսելով. «Մենք Ազրպէյճանէն շատ գոհ ենք: Ազրպէյճանի խորհրդարանը խօսած է Իրաքի թուրքմէններու նկատմամբ ճնշումներու մասին: կ’ողջունենք Ազրպէյճանի քաջ ժողովուրդին: Տայ Աստուած, մօտ ժամանակներս Ազրպէյճանի ժողովուրդին եւ քաջերուն հետ միասին Ղարաբաղի մէջ ալ յաջողութեան պիտի հասնինք»:

Աղբիւրին տեղեկացումով` Իրաքի Ամիրլի շրջանին մէջ ռազմական գործողութեան ընթացքին ազրպէյճանական դրօշներով մասնակցած թուրքմէն երիտասարդները յայտարարած են, որ իրենք պատրաստ են զոհաբերութեան:

«Այստեղ գործերը աւարտելէ ետք Ազրպէյճան պիտի երթանք: Պիտի մասնակցինք Ղարաբաղի գրաւումին»:

Կը նշուի, որ թուրքմէն կամաւորական ուժերու 16-րդ ջոկատը կը կռուի Հաշտ Էլ Շաապի ստորաբաժանումներու կազմին մէջ: Վերջինը կազմաւորուած է Իրաքի մէջ ազդեցիկ շիա հոգեւորական առաջնորդ Այաթոլլահ Ալի Սիսթանիի ֆէթուայով (հրամանով):

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner