• London

  • Beirut

  • Moscow

  • Los Angeles

  • Paris

  • Sydney

  • Toronto

«Թուրքիան Պէտք Է Յարգէ Սուրբ Սոֆիա Տաճարին Աւանդոյթները». ԱՄՆ Պետական Բաժանմունք

13.06.2016   19:38

Թուրքիան պէտք է յարգէ Սթամպուլի Սուրբ Սոֆիա տաճարին հանդէպ աւանդոյթները։ Այս մասին ըստ «Արցախփրես»ի յայտնած է ԱՄՆ Պետական բաժանմունքի պաշտօնական ներկայացուցիչ Մարք Թոնըր:

Յոյն լրագրող մը խնդրած է Թոնըրէն մեկնաբանել թրքական իշխանութիւններուն որոշումը՝ հին յունական տաճարին մէջ Գուրանի ընթերցման վերաբերեալ, իսլամներուն համար սուրբ ամիս համարուող Ռամատանի ընթացքին:

«Մենք կ՛ընդունինք, որ Այա Սոֆիան բացառիկ նշանակութիւն ունեցող վայր է: Մենք կոչ կ՛ընենք թրքական կառավարութեան՝ պահպանել Այա Սոֆիան այնպէս, որ յարգուին անոր աւանդոյթները եւ անոր բարդ պատմութիւնը», ըսած է Թոնըր` օգտագործելով սրբավայրին յունական անուանումը:

Սուրբ Սոֆիայի մէջ Գուրանի ընթերցումը յառաջացուցած էր Յունաստանի Արտաքին գործոց նախարարութեան բողոքը, ինչպէս նաեւ ուղղափառ հասարակութեան վրդովումը շարք մը երկիրներու, ներառեալ Ռուսիոյ մէջ:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner