Թրքական Թերթերը Պունտեսթակի Կողմէ Հայոց Ցեղասպանութեան Բանաձեւի Որդեգրման Մասին
«Ակօս» կը ներկայացնէ թրքական մամուլի անդրադարձը Պունտեսթակի կայացուցած որոշումին առնչութեամբ: Այդ հարցը գրաւած է թրքական 25 օրաթերթերու առաջին էջերը: Որոշ թերթեր Գերմանիոյ խորհրդարանին որոշումը դատապարտած են, ուրիշներ ալ ատելութեան թիրախ դարձուցած:
– «Հիւրրիյէթ»-ի առաջին էջին վրայ կայ «Ամօ՛թ ձեզի» վերնագիրը. նիւթին մէջ կը նշուի, որ Գերմանիոյ վարչապետ Անկելա Մերքելը քուէարկութեան չէ մասնակցած, նաեւ Թուրքիոյ նախագահին յայտարարութիւններուն տրուած է առաջնակարգ տեղ:
– «Ենի Շաֆաք» իր առաջին էջին վրայ տպած է «Թուրքիան ասիկա պիտի չմոռնայ» վերնագիրը: Նիւթին մէջ կը նշուի, որ բանաձեւին դէմ քուէարկող միակ երեսփոխանը Քրիստոնեայ-ժողովրդավարական միութենէն Պերթինա Քուտլան է: «Կանաչներու» կուսակցութեան թրքական արմատներով համանախագահ Ճեմ Էօզտեմիրն ալ, իբրեւ «ազգի խայտառակութիւն» թիրախի վերածուած է:
– «Սթար»-ի առաջին էջը ամէնէն քննարկուողն է. այստեղ Մերքել պատկերուած է Հիթլերին բնորոշ պեխով: «Ամէն ինչ յանուն ՔԱԿ-ի», կ՛ըսէ վերնագիրը: Այստեղ ատելութեան թիրախ դարձած են Էօզտեմիրի գլխաւորութեամբ թեր քուէարկած բոլոր երեսփոխաններն ու Թուրքիոյ խորհրդարանին մէջ դատապարտող յայտարարութիւնը չստորագրած՝ քրտամէտ Ժողովուրդներու ժողովրդավարական կուսակցութիւնը:
– «Պիրկիւն» թերթը կը գրէ. «Ցեղասպանութեան մասին բանաձեւը հաստատուեցաւ. Արդարութիւն եւ բարգաւաճում կուսակցութիւնը կ՛ըսէ` առ ոչինչ է»:
– «Վաթան»-ի առաջին էջին վրայ տեղ կը գրաւէ դէմ քուէարկած միակ երեսփոխանը. «Միայն Պեթինան»` ըսուած է վերնագիրին մէջ:
– «Թարաֆ» օրաթերթը կ՛օգտագործէ «Գերմանիոյ հետ Ցեղասպանութեան ճգնաժամը» վերնագիրը:
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات
