• London

  • Beirut

  • Moscow

  • Los Angeles

  • Paris

  • Sydney

  • Toronto

01. 06. 2023

Վարդենիս-Մարտակերտ Մայրուղիի Հիմնանորոգումը Պիտի Աւարտի Մինչեւ Տարեվերջ

06.04.2016   22:37

ՀՀ կառավարութիւնը պահուստային ֆոնտէն տարուայ առաջին կիսամեակին աւելի քան մէկ ﬕլիառ դրամ պիտի յատկացնէ՝ Վարդենիս-Մարտակերտ մայրուղիի հիմնանորոգման աշխատանքներու իրականացման համար:

Կառավարութեան նիստին ՀՀ փոխադրամիջոցներու եւ կապի նախարար Գագիկ Բեգլարեան նշած է, որ գումարը պիտի տրամադրուի «Հայաստան» համահայկական հիմնադրաﬕն` մայրուղիի Վարդենիսի հատուածի առաջին փուլի հիմնանորոգման աշխատանքները իրականացնելու նպատակով, կը յայտնէ Tert.am-ը:

«Այս մէկը ռազմավարական ճանապարհ է, եւ ﬔնք որոշած ենք այս տարի աւարտել անոր հիմնանորոգումը, որ ՀՀ նախագահի յանձնարարականն է», արձագանգած է վարչապետ Յովիկ Աբրահամեան` նշելով, որ այդ նպատակով պէտք է յատկացուի 1 միլիառ 260 միլիոն դրամ գումար:

Վարդենիս-Մարտակերտ մայրուղիի վերակառուցումը կ՛իրականանայ միաժամանակ հինգ ճանապարհաշինարարական կազմակերպութեանց կողմէ` 12 տեղամասով: Առաջ դժուարանցանելի մօտ 116 քմ. երկարութեամբ ճանապարհը ունի 10 եւ աւելի մեթր լայնութիւն, որմէ 7 մեթրը պիտի  կազմէ ասֆալտապատ երթեւեկելի հատուածը:

116 քմ երկարութիւն ունեցող Վարդենիս (Հայաստան) – Մարտակերտ (ԼՂՀ) ճանապարհի շինարարութիւնը, «Հայաստան» հիմնադրամի Հոգաբարձուներու խորհուրդին կողմէ հաստատուած ռազմավարական ծրագիր է: Ճանապարհը Հայաստանի եւ Արցախի միջեւ այլընտրանքային կապ պիտի ապահովէ:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner