• London

  • Beirut

  • Moscow

  • Los Angeles

  • Paris

  • Sydney

  • Toronto

25. 03. 2023

ՀԲԸՄ-ՀԵԸ Անդրանիկ Մշակութային Միութեան Կազմակերպութեամբ ART FOR A CAUSE Ցուցահանդէս-Վաճառքի Բացումը

21.04.2017   07:43

ՀԲԸՄ -ՀԵԸ  Անդրանիկ Մշակութային Միութեան  կազմակերպութեամբ   Չորեքշաբթի, 19 Ապրիլ 2017, երեկոյեան  ժամը 6:00-ին, Զէյթունա Պէյ-ի «Եախթ Գլապ Կալերի»ի մէջ, Պէյրութի  արուեստասէր  ընտրանիի մը  ներկայութեամբ տեղի ունեցաւ  հայ  եւ  օտար  նկարիչներու աւելի քան  125  կտաւներու  ցուցահանդէս-վաճառքին   պաշտօնական  բացումը:

ART-FOR-CAUSE---1pp

Բացման   ժապաւէնը  հատեց ՀԲԸՄ-ի  Լիբանանի Շրջանակային Յանձնաժողովի   ատենապետ Ժեռար Թիւֆենկճեանը, կողքին` պաշտպանութեան նախարար Եաքուպ Սարաֆը, Լիբանանի մէջ  Հայաստանի  հանրապետութեան լիազօր  դեսպան  Սամուէլ  Մկրտչեանը, երեսփոխան   Արթիւր  Նազարեանը, ՀԵԸ-ի Կեդրոնական Վարչութեան ատենապետ Վիգէն Չերչեանը:

Բացումին   յաջորդեց  հիւրասիրութիւն մը: Այդ  միջոցին  ներկաները  ծանօթացան նկարչական տարբեր դպրոցներ ներկայացնող Կիրակոսեանի, Ժանսեմի,  Հրայրի, Յակոբ Յակոբեանի, Յարութ Թորոսեանի, Գլոտ Վենարի, Անտրէ Լասքոյի  եւ այլ  հանրածանօթ արուեստագէտներու գործերուն: Լիբանանեան մամուլը եւ  հեռատեսիլի   կայանները լայնօրէն արձագանգեցին ցուցահանդէսին:

Նշենք, թէ ցուցահանդէս-վաճառքը բաց է  Չորեքշաբթի, 19 Ապրիլէն մինչեւ Կիրակի, 23  Ապրիլ 2017, առաւօտեան  ժամը 11:00-էն մինչեւ երեկոյեան ժամը՝ 8.30:
Ուրբաթ, 21 Ապրիլ  երեկոյեան  ժամը 8:00-ին տեղի պիտի ունենայ  յատուկ աճուրդ – վաճառք:

ՀԵԸ-Ի ՄԱՄԼՈՅ  ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

 

 

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner