• London

  • Beirut

  • Moscow

  • Los Angeles

  • Paris

  • Sydney

  • Toronto

Հայաստանի Հանրապետութեան Եւ Լիբանանի Հանրապետութեան Միջեւ Դիւանագիտական Յարաբերութիւններու Հաստատման 25֊Ամեակ

03.04.2017   19:26

Մարտ 29-ին Լիբանանի մէջ ՀՀ դեսպանութեան նախաձեռնութեամբ եւ Հայկազեան համալսարանի կազմակերպմամբ տեղի ունեցաւ Հայաստանի Հանրապետութեան եւ Լիբանանի Հանրապետութեան միջեւ դիւանագիտական յարաբերութիւններու հաստատման 25-ամեակին նուիրուած քննարկում:

Ձեռնարկին կը մասնակցէին ՀՀ դեսպան Սամուէլ Մկրտչեան, Հայկազեան համալսարանի նախագահ Վեր. Փոլ Հայտոսթեան, Հայաստանի մէջ Լիբանանի նախկին դեսպաններ Սաատ Զախիա (1997-99) եւ Կապրիէլ Ժըարա (2003-2011): Ներկայ էին կրօնական, դիւանագիտական, ակադեմիական շրջանակներու ներկայացուցիչներ:

25 years of dip relations Arm Leb at Haigazian 29.03.17

Հայկազեան համալասարանի նախագահ Վեր. Փոլ Հայտոսթեան իր ելոյթին ընթացքին անդրադարձաւ դիւանագիտութեան մէջ տարբեր գործօններու` քաղաքակրթական, ազգային-մշակութային, տարբեր դերակատարներու շահերու համընկնումի փոխյարաբերակցութեան եւ անոնց հիման վրայ արդիւնաւէտ յարաբերութիւններու զարգացման: Վեր. Հայտոսթեան գոհունակութեամբ նշեց, որ 1992-93թթ. կրթաշրջանին Հայկազեան Համալսարանին մէջ ուսանած խումբ մը դիւանագէտներ այսօր կարեւոր պաշտօններ կը զբաղեցնեն ՀՀ պետական կառոյցներու մէջ:

Լիբանանի մէջ ՀՀ դեսպան Սամուէլ Մկրտչեան նախ արժեւորեց Հայաստանի եւ Լիբանանի` իբրեւ երկու անկախ եւ ինքնիշխան պետութիւններու, վերջին քսանհինգ տարիներու յարաբերութիւնները: Դեսպանը` յղում կատարելով երկու ժողովուրդներու դարաւոր առնչութիւններուն, Լիբանանի հայ համայնքի ակնառու դերակատարութեան, մասնաւորապէս անդրադարձաւ վերջին երկու տասնամեակներու ընթացքին պետական բարձաստիճան պաշտօնեաներու փոխադարձ այցերուն, քաղաքական, տնտեսական, մշակութային, գիտական բնագաւառներու մէջ փոխշահաւէտ համագործակցութեան: Դեսպան Մկրտչեան կարեւոր համարեց երկու երկիրներուն համագործակցութիւնը միջազգային հարթակներու վրայ, որ հիմնուած է արժէքային մօտեցումներու վրայ: Ան նշեց, որ արտաքին գործոց նախարարներ Էդուարդ Նալպանտեան եւ Ճպրան Պասիլ միասին 2015-ին մասնակցած են Միջին եւ Մերձաւոր Արեւելքի կրօնական փոքրամասնութիւններու պաշտպանութեան նուիրուած Ժընեւի միջազգային համաժողովին: Դեսպանը ընդգծեց, որ քաղաքական համագործակցութեան բնագաւառին մէջ առկայ փոխադարձ վստահութեան շնորհիւ՝ երկու բարեկամ պետութիւնները միջազգային կազմակերպութիւններու մէջ մշտապէս կ’աջակցին իրար:

25 years of dip relations Arm Leb at Haigazian 29.03.17.jpg2

Իր ելոյթին ընթացքին Հայաստանի Հանրապետութեան մէջ գործող Լիբանանի Հանրապետութեան առաջին դեսպան Սաատ Զախիա նկարագրեց Հայաստանի Հանրապետութեան մէջ Լիբանանի դեսպանատան հաստատման առաջին քայլերը` իբրեւ 10-րդ երկիր ՀՀ անկախացումէն ետք: Ուշագրաւ էր նաեւ դեսպան Կապրիէլ Ժըարայի ելոյթը: Ան դրուագներ ներկայացուց ՀՀ-ի մէջ իր իննամեայ պաշտօնավարութեան շրջանէն, անդրադարձաւ լիբանանեան եւ սփիւռքահայ ներդրումներուն, վերյիշեց իր շփումները Գարեգին Ա. Կաթողիկոսի հետ: Գ. Ժըարա շեշտեց, որ երկու երկիրներու սերտ կապերուն շնորհիւ՝ վերջին 25 տարիներուն ընթացքին՝ լիբանանցի եւ հայ ժողովուրդները կրցան ստեղծել համագործակցութեան ամուր հիմքեր, որոնք հիմնուած են հարուստ մշակոյթներու հանդէպ փոխադարձ յարգանքի վրայ:

Քննարկման մասնակիցները արձանագրեցին, որ Հայաստանն ու Լիբանանը ունին փոխըմբռնման եւ բարեկամութեան դարաւոր կապեր, որոնք կարելի է առաւել զարգացնել եւ զօրացնել:

 

 

 

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner