• London

  • Beirut

  • Moscow

  • Los Angeles

  • Paris

  • Sydney

  • Toronto

ՌԱԿ Երեւանի Մէջ Օժտուեցաւ Նոր Գրասենեակով Մը

26.08.2016   07:22

Հայրենիքի մէջ իր տարած կազմակերպչական աշխատանքներու ծիրէն ներս, ՌԱԿ օժտուեցաւ նոր գրասենեակով մը Երեւանի Թէքէեան Կեդրոնի մէջ, ուր օրերս Հայրենիք այցելող կամ Հայրենաբնակ Ռամկավար Ազատական Կուսակցութեան Կեդրոնական Վարչութեան անդամ ընկերներ՝  Սեւակ Յակոբեան, Լեւոն Պըլըխեան, Ալեքսան Գարատանայեան եւ Ընկերուհի՝ Ճենի Գրիգորեան-Բարսեղեան, ունեցան նոր գրասենեակին մէջ գումարուած առաջին ժողովը:

Ժողովի ընթացքին քննարկուեցան նոր գրասենեակին մէջ կատարուելիք աշխատանքները, որ կը նպատակադրէ աշխարհասփիւռ Ռամկավար Ազատական Կուսակցութեան Կեդրոնական Վարչութեան՝ քարտուղարական աշխատանքներուն, Կեդրոնական Մամլոյ Դիւանի համակարգումի գործին, անդամական տուեալներուն  եւ արխիւի մէկտեղումը:

Արծարծուեցան ֆինանսական եւ կազմակերպչական այլ հարցեր:

Ծրագրուեցան նաեւ ապագայի գործունէութիւնները՝ ինչ կը վերաբերի Հայրենիքի մէջ կայանալիք հրապարակային ձեռնարկներու եւ ՌԱԿ Կեդրոնական Վարչութեան հովանիին տակ գործող ԵՌԱԿ  եւ Միրաք Շարժումներուն:

ՌԱԿ Կեդրոնական Մամլոյ Դիւան

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Media Partner