Ռակ-Ի Կեդրոնական Վարչութիւնը Ատենապետի Մակարդակով Պիտի Մասնակցի Հռոմի Պապի Հայաստան Այցելութեան Արարողութեանց
Ռամկավար Ազատական Կուսակցութեան նորընտիր Կեդրոնական Վարչութիւնը, անցնող շաբաթավերջին իր հերթական երկրորդ ժողովը գումարեց՝ այս անգամ հեռակայ կապով:
Ժողովականները քննարկեցին կուսակցութիւնս, Հայ ժողովուրդն ու Հայրենիքը յուզող հարցեր ընկերային, տնտեսական եւ քաղաքական զարգացումներու լոյսին տակ:
Ժողովը բարձր գնահատեց Գերմանիոյ Պունտըսթակի Հայանպաստ վերջին կեցուածքը, որ դրսեւորուեցաւ Հայոց Ցեղասպանութեան անոր ճանաչմամբ, որուն մասին օրին ՌԱԿ Կեդրոնական Վարչութեան Դիւանը շնորհակալագիր յղած էր անոր նախագահին:
Օրակարգերէ բխած հարցերու առնչուող որոշումներէն հանդիսացաւ ՌԱԿ Կեդրոնական Վարչութեան որոշումը՝ Ատենապետի մակարդակով մասնակցելու Հռոմի Պապի դէպի առաջին Քրիստոնեայ երկիր՝ Հայաստան Ուխտագնացութեան արարողութեանց, որ տեղի պիտի ունենայ յառաջիկայ 24 – 26 Յունիս 2016-ին:
ՌԱԿ Կեդրոնական Վարչութեան ատենապետ ընկեր Սերխիօ Նահապետեան իր Հայաստան կեցութեան ընթացքին, նախապէս ճշդուած ժամադրութիւններով հանդիպումներ պիտի ունենայ Հայրենի աւագանիին հետ: Ընկեր Նահապետեանին այցելութիւններուն պիտի ընկերակցին Հայրենիքի մէջ կայք հաստատած ՌԱԿ Կեդրոնական Վարչութեան անդամ ընկերներ:
Նշենք, որ ՌԱԿ նորընտիր Կեդրոնական Վարչութիւնը իր անդրանիկ ժողովը գումարած էր Հայրենիքի մէջ, իր ընտրութեան յաջորդող օրուան յետմիջօրէին՝ Երեւանի Թէքէեան Կեդրոնի մէջ:
ՌԱԿ ԿԵԴՐՈՆԱԿԱՆ ՄԱՄԼՈՅ ԴԻՒԱՆ
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات
