ՀՀ Նախագահ Սերժ Սարգսեանի Ուղերձը ՌԱԿ 27-րդ Պատգամաւորական Ժողովին
ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՆԱԽԱԳԱՀ
Երեւան, 25 Մայիսի 2016
Ռամկավար Ազատական Կուսակցութեան
27-րդ Ընդհանուր Պատգամաւորական
Ժողովի Մասնակիցներին
Յարգելի՛ տիկնայք եւ պարոնայք,
Սրտանց ողջունում եմ Ռամկավար ազատական կուսակցութեան 27-րդ ընդհանուր պատգամաւորական ժողովի բոլոր մասնակիցներին: Ուրախ եմ, որ այն տեղի է ունենում մեր անկախ պետութեան սրտում՝ Երեւանում:
Լինելով հայկական աւանդական կուսակցութիւններից մէկը՝ Ռամկավար ազատական կուսակցութիւնը մշտապէս ուրոյն տեղ է զբաղեցրել հայ հանրութեան կեանքի կազմակերպման գործում: Սփիւռքում այս կառոյցը մշտապէս ամուր հիմքեր է ստեղծել հայկական ինքնութեան պահպանման համար՝ մեղմելով ուծացման վտանգը:
Մեր հայրենիքի անկախութեան վերանուաճմամբ՝ Ռամկավար ազատական կուսակցութիւնը վերահաստատուեց նաեւ մայր Հայաստանում: Հայ ժողովրդի պատմական կուսակցութիւնները, լինելով հարուստ քաղաքական աւանդոյթի կրողներ, կարեւոր դերակատարութիւն ունեն ոչ միայն սփիւռքում, այլեւ բուն հայրենիքում:
Անկախութեան առաջին իսկ օրից անչափ կարեւոր էր, որ մեր հասարակութեան՝ բռնի ուժով ընդհատուած աւանդոյթները հնարաւորինս ամուր արմատներ գցէին Հայաստանում: Կուսակցութիւնն անցած տարիների ընթացքում եղել է այս կարեւորագոյն առաքելութիւնն իրականացնողներից մէկը:
Վստահ եմ, որ հետեւողականօրէն կը շարունակէք ձեր գործունէութիւնը՝ ի բարօրութիւն Հայաստանի, Արցախի եւ աշխարհասփիւռ հայութեան: Այսօր, առաւել քան երբեք, ակնյայտ է, որ պետութեամբ է ամրանում հայ ժողովրդի ապագան: Հայաստանը հզօր է եւ ամուր նաեւ ձեր աշխատանքով եւ համերաշխութեամբ: Ձեր ներուժն ու կարողութիւնները մշտապէս պահանջուած են լինելու:
Մաղթում եմ ձեզ նորանոր յաջողութիւններ եւ ձեռքբերումներ՝ յանուն մեր ազգային իղձերի:
Յարգանօք
ՍԵՐԺ ՍԱՐԳՍԵԱՆ
اترك تعليقاً
News
-
28.10.2019
اردوغان والمشروع التركي الطوراني لابادة الاكراد
-
12.03.2019
Setrak Kurejian
-
16.01.2019
Անժամանցելի Սարուխանը Այսօր
-
05.12.2018
Ալեքսանտր Սարուխան Ծննդեան 120 Ամեակ
-
01.03.2018
Տեսաժողով՝ Մերձաւոր Եւ Միջին Արեւելքի Տարածաշրջանի Հայկական
-
15.11.2017
هاكوب مارتايان مؤسس اللغة التركية الحديثة
-
11.11.2017
محاضرة حول مسيحيو لبنان: تحديات وآفاق: كلمة الإفتتاح القاه الرفيق ارا
-
09.11.2017
Տխուր Էջերը Փակելու Հրամայականը
-
08.11.2017
أردوغان والازمة الكردية في العراق
-
02.09.2017
وحدة من الدفاع الجوي التابعة للقوات المسلحة الأرمينية تشترك في مناورات

