• London

  • Beirut

  • Moscow

  • Los Angeles

  • Paris

  • Sydney

  • Toronto

15. 05. 2021

Ամենայն Հայոց Կաթողիկոսն Ընդունեց ՌԱԿ Կենտրոնական վարչութեան Անդամներին

01.06.2016   18:28

Մայիսի 30-ին Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ռամկավար ազատական կուսակցութեան (ՌԱԿ) կենտրոնական վարչութեան նորընտիր անդամներին` գլխաւորութեամբ վարչութեան ատենապետ Սերխիօ Նահապետեանի:

Հայցելով Ամենայն Հայոց Կաթողիկոսի օրհնութիւնը` տիար Սերխիօ Նահապետեանը Վեհափառ Հայրապետին ներկայացրեց նորակազմ վարչութեան անդամներին: Իր խօսքում ՌԱԿ նախագահը կարեւորեց ազգային կեանքում Հայոց Եկեղեցու բացառիկ դերակատարութիւնը` կուսակիցների անունից պատրաստակամութիւն յայտնելով զօրավիգ լինելու Հայ Եկեղեցուն եւ նրա առաքելութեանը:

Այնուհետեւ կուսակցութեան նորակազմ կենտրոնական վարչութեանն իր օրհնութիւնը փոխանցեց Ամենայն Հայոց Հայրապետը: Նորին Սրբութիւնն իր շնորհաւորանքները բերեց վարչութեան նախագահին եւ անդամներին ընտրութեան առիթով` մաղթելով պտղաբեր եւ արդիւնաշատ գործունէութիւն ազգային անդաստանում:

Հայոց Հայրապետը գոհունակութեամբ հաստատեց, որ Մայր Աթոռ Ս. Էջմիածինը մշտապէս զգացել է ՌԱԿ բերած զօրակցութիւնը: Այս առիթով Նորին Սրբութիւնը պատգամեց, որ ՌԱԿ-ը յաղթահարի ներկուսակցական բաժանումը եւ համախումբ ու միաբան առաւել արդիւնաւորի իր ծառայութիւնը Հայրենիքում եւ Սփիւռքում:

Զրոյցի ընթացքում անդրադարձ եղաւ նաեւ Հայ Եկեղեցու քարոզչական, սոցիալական ու կրթական ծրագրերին, հոգեւորականների պատրաստութեան խնդրին:

Վերջում, վերստին իր գնահատանքը փոխանցելով հիւրերին, Հայոց Հայրապետը վաստահութիւն յայտնեց, որ նաեւ նրանց նուիրեալ ու նախանձախնդիր ջանքերի շնորհիւ պէտք է դիմագրաւուեն Հայրենիքի ու աշխարհասփիւռ հայ ժողովրդի առջեւ ծառացած բազում մարտահրաւէրներ:

2

Հանդիպմանը ներկայ էր Մայր Աթոռի Արտաքին յարաբերութիւնների եւ արարողակարգի բաժնի տնօրէն Գերաշնորհ Տ. Նաթան արքեպիսկոպոս Յովհաննիսեանը:

Share Button

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

News

Media Partner