• London

  • Beirut

  • Moscow

  • Los Angeles

  • Paris

  • Sydney

  • Toronto

24. 03. 2023

Պատմական Հայաստանի Եզակի Ատլասը Գրեթէ Պատրաստ է

06.02.2017   19:58

Գիտական աշխատութեան արդիւնք հանդիսացող պատմական Հայաստանի եզակի ատլասը պատրաստ պիտի ըլլայ գարնան: «Արմենփրես»–ի հետ զրոյցի ընթացքին քարտէզագիր, «Կիլիկիա» առագաստանաւի , Լոնտոնի արքայական աշխարհագրական ընկերութեան իսկական անդամ Գրիգոր Բեգլարեան նշած է, որ ատլասի առաջին հատորը ամբողջութեամբ նուիրուած է Արեւմտեան Հայաստանին:  «Անիկա Հայաստանը վերականգնող քարտէզ է: Ես այս ատլասի վրայ աշխատած եմ գրեթէ վեց տարի»,- ըսած է­ քարտէզագիրը, աւելցնելով, որ աշխատանքը շարունակական պիտի ըլլայ:

Գրիգոր Բեգլարեանի խօսքով` ատլասի հրատարակման հետ կապուած շնորհահանդէս պիտի կազմակերպուի: Անիկա վաճառքի պիտի հանուի բոլոր գրախանութներուն մէջ: «Ամէն տարի մենք կը վերահրատարակենք Հայաստանի պատի քարտէզը` բնականաբար Արցախով, եւ Երեւանը: Իմ ծրագիրներուս մէջ կայ հրատարակել եւրոպական բոլոր երկիրներու հայատառ քարտէզները, սակայն ատոր համար հարկաւոր են տասնեակ տարիներ»,­- աւելցուցած է քարտէզագիրը:

Պատմական Հայաստանի ատլասին մէջ տեղ գտած է աւելի քան 63 հազար բնակավայրի անուանում: Անիկա կը ներառէ բոլոր այն շրջանները, ուր քանի մը հազարամեակ շարունակ գոյութիւն ունեցած են հայկական պետական միաւորումներ:

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր