• London

  • Beirut

  • Moscow

  • Los Angeles

  • Paris

  • Sydney

  • Toronto

Սպասվող լրահոս. 27.10.2017

27.10.2017   06:34

Բարև ձեզ, «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

ՀՀ կառավարության ընդունելությունների տանն` այսօր հոկտեմբերի 27-ին, կանցկացվի Ատոմային էներգետիկայի անվտանգության խորհրդի նիստ:

Հայաստանի զարգացման հիմնադրամը սկսում է արտահանող և ներդրող ընկերությունների աջակցության նոր գործնական ծրագիր: ՀՀ տնտեսական զարգացման և ներդրումների նախարարությունում այսօր կհայտարարվի ծրագրի մեկնարկի մասին:

Երևանում հոկտեմբերի 27-ին և 28-ին կանցկացվի «Փոխներարկումային բժշկության զարգացումը Հայաստանում» խորագրով միջազգային կոնֆերանս: Այն կոնֆերանսը կազմակերպել է Պրոֆ. Ռ.Հ.Յոլյանի անվ. Արյունաբանական կենտրոնն այլ կազմակերպությունների աջակցությամբ:  Գիտաժողովի շրջանակներում Հյուսիսային Իռլանդիայից, Իտալիայից, Ռուսաստանից, Չեխիայից և Հոլանդիայից հրավիրված ոլորտի առաջատար մասնագետները կներկայացնեն դոնորական արյան օպտիմալ կիրառության, արյան որակի բարելավման և արյան փոխներարկման իմունոլոգիական ասպեկտների վերաբերյալ դասախոսություններ:

Լրագրողների հետ կհանդիպի իրանագետ Վարդան Ոսկանյանը։ Նա կխոսի Մերձավոր Արևելքում, մասնավորապես, Իրաքում տիրող իրավիճակի մասին: Կանդրադառնա Շանգալում ապրող եզդիների ճակատագրին, Իրաքյան Քրդստանի հանրաքվեի շուրջ ծավալվող զարգացումներին:

Միրզոյան գրադարանում կբացվի «Կոմունիզմն իր դարաշրջանում» խորագրով ցուցահանդեսը, որը նվիրված է ստալինյան բռնաճնշումներին: Միջոցառման ընթացքում ելույթ կունենա գերմանացի հայտնի պատմաբան Յորգ Բաբերովսկին, ով սովետական պատմության պրոֆեսոր է Բեռլինի Հումբոլդտի համալսարանում:

Լրագրողների հետ կհանդիպեն ճարտարապետ Գուրգեն Մուշեղյանը եւ «Վարորդի ընկեր» ՀԿ համահիմնադիր, «Ելք» դաշինքից Երեւանի ավագանի Սերգեյ Ղահրամանյանը: Նրանք կանդրադառնան Երեւանի գերծանրաբեռնված փողոցները բեռնաթափելու եւ խցանումները վերացնելու ուղղությամբ ՀՀ վարչապետի հանձնարարականին:  

Մամուլի ասուլիսով հանդես կգան Թատրոնի և կինոյի պետական ինստիտուտի պրոֆեսոր Ռուբեն Բաբայանը, ԵՊՀ դոցենտ Նարինե Դիլբարյանը և քաղաքական վերլուծաբան Ստեփան Սաֆարյանը: Նրանք իրենց դիտարկումները կներկայացնեն «Զինվորական ծառայության և զինծառայողի կարգավիճակի մասին» օրենքի նախագծի մասին:

ՀՀ սփյուռքի նախարարության աջակցությամբ տեղի կունենա ամերիկահայ մանկագիր, երգահան, տիկնիկագործ Ֆիրա Ակյանի ստեղծագործական գործունեության 50-ամյակին նվիրված միջոցառում:

Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյսբուքում:

Share Button

Leave a Reply

Your email address will not be published. Required fields are marked *

Լրատվական գործընկեր