• London

  • Beirut

  • Moscow

  • Los Angeles

  • Paris

  • Sydney

  • Toronto

28. 05. 2022

Թուրքիան Բանտարկուած Լրագրողներու թիւով Աշխարհի Մէջ Առաջինն է

15.12.2016   08:33

Լրագրողներու պաշտպանութեան կոմիտէն (CPJ-ԼՊԿ) 2016 թուականի համար հրապարակած է լրագրողները ամենաշատ բանտարկող երկիրներու վերաբերեալ զեկոյց: Ըստ որուն` բանտարկուած լրագրողներու ընդհանուր թիւը աշխարհի մէջ այս պահուն կը հասնի 259-ի:

«Էրմենիհապեր»-ը(«Ermenihaber»), վկայակոչելով թրքական «Հուրիյէթ»(«Hurriyet») թերթը, կը գրէ, թէ բանտարկած 81 լրագրողներու թիւով աշխարհի մէջ  բացարձակ առաջատարը Թուրքիան է: Մինչեւ հիմա որեւէ երկրի մէջ այսպիսի մեծ թիւով լրագրողներ բանտարկուած չեն եղած:

Հրապարակուած զեկոյցէն պարզ կը դառնայ, որ ազատազրկուած լրագրողներու թիւով Թուրքիոյ կը յաջորդէ Չինաստանը`(38): Վատագոյն եռեակը բանտարկուած 25 լրագրողով կ’եզրափակէ Եգիպտոսը: 4-րդ եւ 5-րդ տեղերը կը զբաղեցնեն համապատասխանաբար Էրիթրէան եւ Եթովպիան:

Նախորդ տարի առաջին հնգեակին մէջ եղած Իրանը այս տարի բարելաւած է իր դիրքերը:

Զեկոյցին` Թուրքիոյ վերաբերող մասին մէջ ըսուած է, որ 2016-ի Յունուար 1-էն մինչեւ Դեկտեմբեր 1 այդ երկրի մամուլի վրայ գործադրուած է աննախադէպ ճնշում, որուն հետեւանքով աւելի քան 100 լրատուական օրկաններ փակուած են, իսկ առնուազն 81 լրագրողներ դատապարտուած են պետութեան դէմ գործած յանցագործութիւններու յօդուածով: Կը նշուի նաեւ, որ մամուլի վրայ ճնշումները սաստկացած է յատկապէս, Յուլիս 15-ին, Թուրքիոյ մէջ տեղի ունեցած յեղաշրջման փորձէն ետք:

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր