Պոլսո պատրիարքի ընտրություններում դեռ անորոշություն է. Ստամբուլի նահանգապետարան ուղարկված նամակն այդպես էլ անպատասխան մնաց

Պոլսո պատրիարքարանի կողմից պատրիարքի ընտրությունների վերաբերյալ Ստամբուլի նահանգապետարան ուղարկված նամակն այդպես էլ անպատասխան մնաց: Այս մասին «Արմենպրես»–ին տեղեկացրեց Ստամբուլի «Ակոս» շաբաթաթերթի հայերեն բաժնի գլխավոր խմբագիր Բագրատ Էստուկյանը:
«Հիմա փորձ է արվում պետական մարմինների ներկայացուցիչների հետ նոր հանդիպում ապահովել, որպեսզի անձնապես, տեղում խնդիրը ներկայացվի: Ինչպես գիտեք, խնդրի վերաբերյալ առաջին անգամ գրավոր նամակ ներկայացվեց, նշվել էր, որ երկու ամսվա մեջ պատասխան կլինի, սակայն տեսաք, որ հոկտեմբերի 9-ը վերջնաժամկետն էր, և պետական խողովակից ոչ մի արձագանք չեղավ: Հիմա հնարավորության դեպքում անձնապես կներկայացվի խնդիրը»,-ասաց Բագրատ Էստուկյանը: Նա տեղեկացրեց, որ հնարավոր հանդիպմանը կներկայանա տեղապահը:
Անձամբ տեղապահի ներկայանալու, ինչպես նաև խնդիրը բացատրելու դեպքում արդյոք ինչ-որ տեղաշարժ հավանակա՞ն է. հարցին ի պատասխան Բագրատ Էստուկյանը նշեց, որ քիչ հավանական է համարում:
«Ոչ մի պատասխան էլ չստացվեց, ամեն ինչ արվում է գործընթացը ձգձգելու ու անորոշ վիճակը պահելու համար: Այսօր խնդիրը ճգնաժամի է մատնված: Հետագա քայլերը դեռ պարզ չեն, սպասենք հանդիպմանը»,-ասաց Բագրատ Էստուկյանը:
Պատրիարքական ընտրությունների կազմակերպչական նախաձեռնող մարմինը Ստամբուլի նահանգապետարան ուղարկված դիմումով ներկայացրել էր ինչպես նախաձեռնող մարմնի կազմը, այնպես էլ ընտրությունների անցկացման օրը: Ընտրական գործընթացի առաջխաղացման համար անհրաժեշտ է, որ պատասխան տրվի պատրիարքության նամակին և հանձնարարություն` ընտրության անցկացման համար:
Պոլսո Հայոց պատրիարքարանում 2016 թվականի հոկտեմբերի 26-ին կայացած եկեղեցական ժողովի ժամանակ որոշում է կայացվել դիմել թուրքական իշխանություններին նոր պատրիարք ընտրելու արտոնություն տրամադրելու խնդրանքով:
Leave a Reply
Լրահոս
-
16.09.2020
Մասնագիտական խումբը բազմակողմանի կգնահատի կորոնավիրուսի ախտորոշման
-
10.08.2020
Լիբանանի կառավարությունը պատրաստվում է հրաժարական տալ
-
10.08.2020
Սևրի պամանագիրը պատմական փաստ է, մեր պարտքն է հիշել այն, և պահպանել նրա
-
10.08.2020
Պուտինը շնորհավորել Է Լուկաշենկոյին նախագահի պաշտոնում վերընտրվելու
-
10.08.2020
Զարեհ Սինանյանը Բեյրութում հանդիպել է Լիբանանի հայկական լրատվամիջոցների
-
10.08.2020
Թեհրանի հայկական եկեղեցում հոգեհանգստի կարգ է մատուցվել Բեյրութի պայթյունի
-
10.08.2020
Սևրի պայմանագրով Թուրքիան ընդունել է երիտթուրքական կառավարության
-
10.08.2020
ՀՀ վարչապետը շնորհավորել է Ալեքսանդր Լուկաշենկոյին Բելառուսի նախագահի
-
10.08.2020
Զարեհ Սինանյանը հանդիպել է Լիբանանի Հայոց Թեմի առաջնորդի հետ
-
10.08.2020
Կոսովոյում խաղաղապահ առաքելություն իրականացնող հայկական զորախումբը հանձնել

