• London

  • Beirut

  • Moscow

  • Los Angeles

  • Paris

  • Sydney

  • Toronto

Տեղի Ունեցաւ ՀՀ Սփիւռքի Նախարարին Կից Հասարակական Խորհուրդի Նիստ

30.01.2017   18:38

Յունուարի 27-ին տեղի ունեցաւ ՀՀ Սփիւռքի նախարարին կից հասարակական խորհուրդի 2017-ի անդրանիկ նիստը: Նախարարը ողջունեց հասարակական խորհուրդի անդամները, յատուկ շնորհակալութիւն յայտնեց նիստին մասնակցելու համար Սփիւռքէն ժամանած՝ Սեւակ Յակոբեանին եւ Յովհաննէս Թասլաքեանին, նշեց, որ սփիւռքեան միւս գործընկերները նոյնպէս ուղարկած են օրակարգի հետ կապուած իրենց կարծիքները:

ՀՀ Սփիւռքի նախարարին կից հասարակական խորհուրդի 2017 թուականի աշխատանքային ծրագիրի մասին զեկուցեց եւ հաստատման ներկայացուց  ՀՀ Սփիւռքի նախարարին կից հասարակական խորհուրդի քարտուղար Ա. Էլչիբեկեանը: Հասարակական խորհուրդի 2017 թուականի աշխատանքային ծրագիրը հաստատուեցաւ:

Սփիւռքեան համահայկական կառոյցներու հետ կնքած ՀՀ Սփիւռքի նախարարութեան համագործակցութեան պայմանագիրներու կատարման ընթացքը ներկայացուց նախարարութեան համահայկական, միջազգային եւ եկեղեցական կառոյցներու հետ կապերու վարչութեան պետ Ն.Մուրատեանը: Ան նշեց, որ այսօր աշխարհի աւելի քան 117 երկրներու մէջ կը գործեն  հազարաւոր հայկական կառոյցներ: Համահայկական ամենամեծ եւ երկար ճանապարհ անցած կառոյցներու թիւը 24-ն է: ՀՀ Սփիւռքի նախարարութիւնը կը համագործակցի համահայկական բոլոր կառոյցներուն հետ: ՀՀ Սփիւռքի նախարարութեան հետ յուշագիրներ կնքած են խոշորագոյն համահայկական կառոյցներ:

ՀՀ Սփիւռքի նախարարը նշեց, որ ի տարբերութիւն շատ համաձայնագիրներու, (որոնք պարզապէս կը մնան թուղթի վրայ), նախարարութիւնը արդիւնաւէտ կերպով կը համագործակցի Սփիւռքի կառոյցներուն հետ: Այս տարի յուշագիրներ կը կնքուին եւս քանի մը կառոյցներու հետ:

ՀՀ կառավարութեան 2017 թուականի «Սփիւռք» բաժինի գերակայ խնդիր­ներու եւ գոր­ծու­նէու­թեան միջոցա­ռումներու ծրագիրի վերաբերեալ զեկուցումով հանդէս եկաւ ՀՀ ՍՆ աշխատակազմի  ղեկավար Ֆ. Զաքարեանը: Ան մասնաւորապէս նշեց. «ՀՀ կառավարութիւնն առաջադրել է նոր խնդիրներ, որոնք պահանջում են գործունէութեան նոր առաջնահերթութիւններ»:

ՀՀ Սփիւռքի նախարարութեան 2017 թուականի «Մեր մեծերը» ծրագիրը ներկայացուց Համահայկական ծրագիրներու վարչութեան պետ Գ. Գիանճումեանը: Ան նշեց, որ 2016 թուականի «Մեր մեծերը» ծրագիրի մէջ ընդգրկուած են Սրբուհի Տիւսաբի, Վահէ Հայկի, Աւետիս Ահարոնեանի, Գրիգոր Խանճեանի եւ Գրիգոր Զօհրապի անունները, որոնց նուիրուած շուրջ 30 մեծարման միջոցառումներ կազմակերպուած են ՀՀ համալսարաններու եւ դպրոցներու մէջ, ինչպէս նաեւ Սփիւռքի կրթօճախներու մէջ: Զեկուցողն առաջարկեց 2017 թուականի «Մեր մեծերը» ծրագիրի մէջ ընդգրկել Ռուբէն Մամուլեանի, Ալեքսանդր Մանթաշեանցի, Տիգրան Չուխաճեանի, Յովհաննէս Այվազովսկիի անունները եւ Սուրբ Ղազար կղզիի հայկական կաթոլիկ վանքը: Առաջարկուեցաւ 2017 թուականի «Մեր մեծերը» ծրագիրին մէջ ընդգրկել նաեւ Վահան Թէքէեանի անունը: Հասարակական խորհուրդը ընդունեց առաջարկը:

2017 թուականը «Արցախի տարի» հանրահռչակելու վերաբերեալ զեկուցումով հանդէս եկաւ ՀՀ Սփիւռքի նախարարի տեղակալ Ս. Սրապիոնեանը: Ան անդրադարձաւ  «Դուն ի՞նչ կ՝ընես Ղարաբաղի համար» համահայկական շարժման, եւ մասնաւորապէս նշեց, որ ՀՀ Սփիւռքի նախարարութեան նախաձեռնութեամբ տեղի ունեցած լրագրողներու 8-րդ համաժողովի մասնակից, աշխարհի 31 երկրէ ժամանած աւելի քան 140 հայ լրագրողներ կարեւորելով իրենց դերակատարութիւնը եւ պատասխանատուութիւնը Արցախի խնդրին վերաբերեալ եւ անսալով ՀՀ Սփիւռքի նախարար Հրանոյշ Յակոբեանի առաջարկին, որոշեցին Սփիւռքի նախարարութեան հովանիի ներքոյ կեանքի կոչել  «Դուն ի՞նչ կ’ընես Ղարաբաղի համար» համահայկական շարժումը, որ Հայաստանի եւ Սփիւռքի մէջ տարաբնոյթ ծրագիրներու, միջոցառումներու ու ձեռնարկներու միջոցով միտում ունի զարգացնելու ու տարածելու ազգային տուրքի, Հայրենիքին եւ մասնաւորապէս՝ Արցախին օգնելու, սատար կանգնելու գաղափարը, արթուն պահելու սեփական ժողովուրդին հանդէպ պարտքի գիտակցութիւնը, նպաստելու ազգային ինքնութեան պահպանման, ԼՂՀ անկախութեան ճանաչման, պաշտպանունակութեան բարձրացման, ԼՂՀ-ում ընկերատնտեսական, մշակութային եւ կրթական խնդիրներու լուծման, համայնքային կեանքի կազմակերպման, համախմբման՝ Հայրենիքի զարգացման գաղափարին շուրջ: Սփիւռքի նախարարը, նկատի ունենալով շարժման յաջողուածութիւնն ու տարածումը, առաջարկեց 2017 թուականը յայտարարել «Արցախի տարի»: Նախարարի տեղակալ Ս. Սրապիոնեան աւելցուց ըսելով. «Այդ միջոցառման շրջանակներում որոշուեցաւ ի լրումն «Երգում ենք Կոմիտաս» համահայկական փառատօնի, իրականացնել «Անկախ Արցախ» համահայկական փառատօն եւ կոչով դիմեցինք հայրենական եւ սփիւռքեան կառոյցներին»:

 

Ամփոփելով նիստը՝ ՀՀ Սփիւռքի նախարարը կարեւորեց սփիւռքեան բոլոր կառոյցներու եւ անհատներու մասնակցութիւնը «Դուն ի՞նչ կ’ընես Ղարաբաղի համար» համահայկական շարժման, Ղարաբաղը Սփիւռքին համակողմանիօրէն ներկայացնելը: «Հայ դատը պէտք է Ղարաբաղում լուծուի», – նշեց նախարարը եւ աւելցուց. «Ղարաբաղը պաշտպանելով ու հզօրացնելով, մենք պաշտպանում եւ հզօրացնում ենք Հայաստանը»: Հրանոյշ Յակոբեանը շեշտեց, որ ընելիքներ շատ կան, Սփիւռքի մէջ հայապահպանութեան նպաստող առաջնահերթ խնդիրներէն մէկն ալ հպարտ, յաղթող հայու կերպարի կերտումն է:

 

Share Button

Leave a Reply

Your email address will not be published. Required fields are marked *

Լրատվական գործընկեր