• London

  • Beirut

  • Moscow

  • Los Angeles

  • Paris

  • Sydney

  • Toronto

25. 03. 2023

«Ոսկէ Ծիրան» Փառատօնը Սկսաւ

15.07.2015   16:34

Ալեքսանտր Սպենդիարեանի անուան օփերայի եւ պալէի ազգային ակադեմական թատրոնին մէջ նախանցեալ օր տեղի ունեցաւ Երեւանեան «Ոսկէ ծիրան» 12-րդ միջազգային շարժապատկերի փառատօնի բացման հանդիսաւոր արարողութիւնը:

Փառատօնի բացումին նախորդեց կարմիր գորգի հանդիսաւոր արարողութիւնը, որուն մասնակցեցան փառատօնի պատուաւոր հիւրեր Օռնելա Մութի եւ Նասթասիա Քինսքին, ինչպէս նաեւ հռչակաւոր բեմադրիչ, Հայաստանի Հանրապետութեան արուեստի վաստակաւոր գործիչ եւ ժողովրդական արուեստագէտ Արտաւազդ Փելեշեան, բազմաթիւ անուանի արուեստագէտներ, հիւրեր եւ  լրատուամիջոցներու ներկայացուցիչներ:

12-րդ «Ոսկէ ծիրան»-ը այս տարի ստացած է աւելի քան 1600 դիմում 105 երկիրներէ: Ընտրուած մօտ 200 ժապաւէնները բաշխուած են 4 մրցութային ու արտամրցութային ծրագիրներու վրայ:

Փառատօնի հիմնադիր տնօրէն Յարութիւն Խաչատրեանի փոխանցումով, Հայոց ցեղասպանութեան 100-րդ տարելիցին առիթով այս տարի մուտք գործած են «Մենք կանք» եւ «Այլեւս երբեք» ծրագիրները:

 

Share Button

Leave a Reply

Your email address will not be published. Required fields are marked *

Լրահոս

Լրատվական գործընկեր