Նամականի

Սիրելի Սեւակ,
Կը թուի, թէ երակներուս մէջ կը վազէ հայու արիւնը։ Ես ատիկա զգացի, երբ տակաւին փոքր էի։ Ես շատ ամուր կերպով կապուած եմ Հայաստան կոչուող այդ հնամենի վայրին ու մեծ ցաւ ապրած ժողովուրդի մը պատմութեան ու մշակոյթին հետ։
Լիբանանցի գործընկերներուս հետ կ’աջակցինք անարդարութեան դէմ հայութեան մղած պայքարին, ու կը յարգենք իր արմատները բնաւ չմոռցող հայը։ Երբ հայերը Լիբանան հաստատուեցան՝ տկար էին եւ անօթի, բայց ունէին շատ զօրաւոր կամք՝ դիմադրելու այդ ցաւը։ Այս արտասովոր կարողութեան շնորհիւ՝ անոնք մեծ նուաճումներ ու յաջողութիւններ ձեռք բերին։ Լիբանանցիները ունին նոյն հայրենասիրական զգացումը, ինչպէս՝ հայերը։ Անոնք յամառօրէն կը պայքարին արդարութեան համար։
Հայերը շատ մեծ նպաստ ունին Լիբանանի տնտեսութեան եւ մշակութային կեանքին մէջ, ինչպէս նաեւ միասնականութեան որպէս օրինակ կը ծառայեն: Այս պատճառով է, որ լիբանանցիք պէտք է յարգեն հայերը եւ անոնց ներկայացուցիչները լիբանանի պետութեան մէջ:
Հայերու հետ կապերս շատ հին են։ Ընտանիքս շատ մեծ էր ու համեստ ապրող։ Պատանի հասակիս չէի կրնար համալսարան յաճախել, եւ օր մը, բարեբախտաբար, գտայ «Զարթօնք» օրաթերթը։
«Զարթօնք»-ի ատենի փոխ-խմբագիրը՝ Նազարէթ Թոփալեան եւ Թէքէեան Մշակութային Միութիւնը օգնեցին գոհացնելու լրագրողական ցանկութիւններս։ Տպագրութեան հանդէպ սէրս՝ ինծի առիթ ընծայեց գործս շարունակելու օրաթերթին մէջ։ Աւելին, Նազարէթ Թոփալեանը՝ հօրս կրցաւ համոզել զիս ղրկել գիշերային դպրոց։
Նազարէթ հօրս ըսած էր թէ իր տղան շատ յաջող լրագրող կրնայ դառնալ։ Յետագային յաճախեցի բժշկական համալսարան, սակայն աւարտելէ ետք միտքս փոխեցի, որովհետեւ ճակատագիրս արդէն գծուած էր անցեալին։
Բժշկութեան կողքին, ուսանեցայ նաեւ քաղաքական գիտութիւններ եւ այժմ զինուորական լրագրող եմ ու կ’աշխատիմ աշխարհի ամենաբուռն կէտերէն մէկուն մէջ՝ Սուրիա, ինչպէս նաեւ, կամաւոր կերպով կ’աշխատակցիմ Armenpress-ին։
Հայաստանը սրտիս մէջն է: Այնքան ատեն, որ սիրտս կը բաբախէ՝ կը սիրեմ Հայաստանը իբրեւ իմ երկիրս։ Այնքան ատեն, որ սիրտս կը բաբախէ, պիտի պայքարիմ Հայոց Ցեղասպանութեան միջազգային ճանաչման օգտին։
ԹԱԼԱԼ ԽՐԷՅՍ
Leave a Reply
Լրահոս
-
16.09.2020
Մասնագիտական խումբը բազմակողմանի կգնահատի կորոնավիրուսի ախտորոշման
-
10.08.2020
Լիբանանի կառավարությունը պատրաստվում է հրաժարական տալ
-
10.08.2020
Սևրի պամանագիրը պատմական փաստ է, մեր պարտքն է հիշել այն, և պահպանել նրա
-
10.08.2020
Պուտինը շնորհավորել Է Լուկաշենկոյին նախագահի պաշտոնում վերընտրվելու
-
10.08.2020
Զարեհ Սինանյանը Բեյրութում հանդիպել է Լիբանանի հայկական լրատվամիջոցների
-
10.08.2020
Թեհրանի հայկական եկեղեցում հոգեհանգստի կարգ է մատուցվել Բեյրութի պայթյունի
-
10.08.2020
Սևրի պայմանագրով Թուրքիան ընդունել է երիտթուրքական կառավարության
-
10.08.2020
ՀՀ վարչապետը շնորհավորել է Ալեքսանդր Լուկաշենկոյին Բելառուսի նախագահի
-
10.08.2020
Զարեհ Սինանյանը հանդիպել է Լիբանանի Հայոց Թեմի առաջնորդի հետ
-
10.08.2020
Կոսովոյում խաղաղապահ առաքելություն իրականացնող հայկական զորախումբը հանձնել

