Category: Լուրեր Աշխարհէն

Մեծ Բրիտանիայի վարչապետ Բորիս Ջոնսոնը հայտարարել է, որ երկրում կարանտինի ժամկետը երկարաձգվում է մինչև հուլիսի 1-ը:

«Արմենպրես»-ի հաղորդմամբ, «Deutsche Welle» -ն տեղեկացնում է, որ կլինեն փոքր բացառություններ:

«Հիմա սահմանափակումները հանելու ժամանակը չէ»,-ասել է Բորիս Ջոնսոնը: Նա նշել է, որ երկրում կորոնավիրուսի տարածումը հնարավոր է եղել դանդաղեցնել, ինչի հետ կապված՝ կառավարությունը որոշել է մայիսի 13-ից աննշան մեղմացնել սահմանափակումները:

«Մենք մարդկանց կթույլատրենք դրսում սպորտով զբաղվել, դուք կարող եք արևայրուք ընդունել, սեփական ավտոմեքենաներով այլ տեղ գնալ»,-ասել է վարչապետը:

Նշվում է, որ թույլատրվում են ուղևորությունները երկրի ներսում, քաղաքացիները կարող են գնալ ազգային պարկեր կամ ափեր: Միևնույն ժամանակ շրունակելու է մնալ ոչ ընտանիքի անդամներին տեսակցելու արգելքը:

Երկրում սահմանափակումների մեղմացման հաջորդ փուլը սպասվում է հունիսին: Այդ ժամանակ հնարավոր է բացվեն խանութները, դպրոցները:

Իրանում մայիսի 11-ի վիճակագրական տվյալների համաձայն, նախորդ օրվա համեմատ, կորոնավիրուսով վարակակիրների թիվն ավելացել է 1683-ով՝ ընդհանուրը դառնալով 109 հազար 286:  Մահացածների թիվն ավելացել է 45-ով: Վարակի հետևանքով այս երկրում, ընդհանուր առմամբ, մահացել է 6 հազար 685 մարդ:

«Արմենպրես»–ի հաղորդմամբ, Իրանում Հայաստանի դեսպանությունը տեղեկացնում է, որ 2 հազար 703 անձ ծանր վիճակում է:

Ապաքինվածների թիվն ավելացել է 1 279-ով՝ հասնելով 87 հազար 422-­ի:

Մինչ այժմ թեստավորվել է 601 հազար 324 անձ:

Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 4 միլիոն 210 հազարը: «Արմենպրես»–ի փոխանցմամբ՝ կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 284 հազարը: Ապաքինվել է 1 միլիոն 505 հազար 866 մարդ:

Վիրուսով վարակվածների թվով առաջին տեղում գտնվող ԱՄՆ-ում 1 միլիոն 368 հազար 021 հաստատված դեպք կա: Այստեղ մահացածների թիվը 80 հազար 789 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 268 հազար 143 է: Մահացության ցուցանիշը կազմում է 26 հազար 744: 

Վարակվածների թվով երրորդ տեղում է հայտնվել Ռուսաստանը, որտեղ մեկ օրում գրանցվել է 11 հազարից ավելի նոր դեպք՝ ընդհանուր թիվը կազմելով 221 հազար 344: Վարակի հետևանքով, ընդհանուր առմամբ, մահացել է 2,009 մարդ: Ռուսաստանին հաջորդում է Մեծ Բրիտանիան, որտեղ հաստատված դեպքերի թիվը հասել է 219 հազար 183-ի, մահացածներինը՝ 31 հազար 855-ի: Մահացության ցուցանիշով Մեծ Բրիտանիան Եվրոպայում առաջինն է, աշխարհում՝ երկրորդը, ԱՄՆ-ից հետո: Վարակվածների թվով հաջորդ տեղում Իտալիան է, որտեղ հաստատված դեպքերի ընդհանուր թիվը 219 հազար 070 է: Վարակից մահացել է 30 հազար 560 մարդ։  Իտալիային հաջորդում է Ֆրանսիան, որտեղ գրանցվել է 176 հազար 970 հաստատված դեպք, մահացել է 26 հազար 380 մարդ: Գերմանիայում 171 հազար 879 հաստատված դեպք կա, մահացածների ընդհանուր թիվը 7 հազար 569 է: Վարակվածների ընդհանուր թվով Գերմանիային հաջորդում է Բրազիլիան, որը շրջանցեց Թուրքիային: Բրազիլիայում հաստաված դեպքերի թիվը կազմում է 163 հազար 427, վարակի հետևանքով մահացածներինը՝ 11 հազար 168: Թուրքիայում վարակակիրների թիվը հասել է 138 հազար 657-ի, մահացածներինը՝ 3 հազար 786-ի:

Իրանում վարակվածների թիվը հասել է 109 հազար 286 է: Երկրում վարակի բռնկումից ի վեր կորոնավիրուսի հետևանքով մահացել է 6 հազար 685 մարդ: Վարակվածության ընդհանուր ցուցանիշով վարակի ծագման երկիր Չինաստանն առանձնանում է 82 հազար 918 ընդհանուր, 17 նոր դեպքով։ Չինաստանում մահացել է 4 հազար 633 մարդ։ Վերջին օրերին այստեղ վարակի հետևանքով մահ չի գրանցվել:

Վրաստանում հաստատված դեպքերի թիվը հասել է 638-ի, վարակի բռնկումից ի վեր այստեղ մահացել է 11 մարդ:

Արաբական երկրներից վարակվածների թվով ԱՄԷ-ին շրջանցած Կատարում հաստատված դեպքերի թիվը կազմում է 23 հազար 623 մահերինը՝ 14-ը: ԱՄԷ-ում վարակվածների ընդհանուր թիվը 18 հազար 198 է, մահացածներինը՝ 198:

Եգիպտոսում 9 հազար 400 հաստատված դեպք կա, մահացել է 525 մարդ: Քուվեյթում վարակվածների թիվը հասել է 9 հազար 286-ի, մահացածներինը՝ 65-ի: Իրաքում գրանցվել է 2 հազար 767 վարակվածության, 109 մահվան դեպքով: Լիբանանում կա 859 վարակի հաստատված դեպք: Մահացության ցուցանիշը կազմում է 26: Սիրիայում վարակվածների թիվը հասել է 47-ի: Մահացել է 3 մարդ:

Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

Հազվագյուտ տեսակի ծովային կրիաները վերադարձել են Հնդկաստանի արևելյան ափեր

Հնդկաստանի լողափերն աչքի են ընկել կրիաների քանակով: Մասնագետները նշում են, որ հազվագյուտ տեսակի ծովային կրիաները վերադարձել են Հնդկաստանի արևելյան լողափեր: «Արմենպրես»-ի հաղորդմամբ, «Euronews»-ը տեղեկացնում է, որ նախորդ տարի այդ տարածքում այս կրիաները ընդհանպաես չեն եղել: Այս գարնանը մասնագետները միայն ոչ մեծ լողափին հաշվել են 100 կրիայի, որոնք ընտրել են Օդիշա նահանգի ափերը ձվադրման համար:

Մասնագետները նշում են, որ կրիաների վերադարձի հարցում իր ազդեցությունն ունի կորոնավիրուսը: Լողափերը դատարկ են, և ոչ ոք չի խանգարում նրանց վերադարձին: Նշվում է, որ վերջին անգամ նման քանակի կրիաներ այդ տարածքներում նկատվել է 7 տարի առաջ: Ստեղծած իրավիճակից օգտվելով կրիները ձվադրում են նաև ցերեկվա ժամերին: Այս գարնանը Օդիշի ափին ձվադրման արդյունքում առնվազն 70 հազար ծովային կրիա կլինի:

Ջոնսոնը հայտարարել է Մեծ Բրիտանիայում կարանտինի ժամկետը երկարաձգելու մասին

Մեծ Բրիտանիայի վարչապետ Բորիս Ջոնսոնը հայտարարել է, որ երկրում կարանտինի ժամկետը երկարաձգվում է մինչև հուլիսի 1-ը: «Արմենպրես»-ի հաղորդմամբ, «Deutsche Welle» -ն տեղեկացնում է, որ կլինեն փոքր բացառություններ:

«Հիմա սահմանափակումները հանելու ժամանակը չէ»,-ասել է Բորիս Ջոնսոնը: Նա նշել է, որ երկրում կորոնավիրուսի տարածումը հնարավոր է եղել դանդաղեցնել, ինչի հետ կապված՝ կառավարությունը որոշել է մայիսի 13-ից աննշան մեղմացնել սահմանափակումները:

«Մենք մարդկանց կթույլատրենք դրսում սպորտով զբաղվել, դուք կարող եք արևայրուք ընդունել, սեփական ավտոմեքենաներով այլ տեղ գնալ»,-ասել է վարչապետը:

Նշվում է, որ թույլատրվում են ուղևորությունները երկրի ներսում, քաղաքացիները կարող են գնալ ազգային պարկեր կամ ափեր: Միևնույն ժամանակ շրունակելու է մնալ ոչ ընտանիքի անդամներին տեսակցելու արգելքը:

Երկրում սահմանափակումների մեղմացման հաջորդ փուլը սպասվում է հունիսին: Այդ ժամանակ հնարավոր է բացվեն խանութները, դպրոցները:

Պուտինը հանձնարարել է մինչև հունիսի 1-ը ներկայացնել տնտեսության վերականգնման ծրագիր

Ռուսաստանի նախագահ Վլադիմիր Պուտինը հանձնարարել է կառավարությանը մինչև հունիսի 1-ը ներկայացնել տնտեսության վերականգնման գործողությունների ծրագիր՝ համատեղ մշակված ռեգիոնալ իշխանությունների և բիզնես ոլորտի ներկայացուցիչների հետ: «Արմենպրես»-ի հաղորդմամբ, ՏԱՍՍ գործակալությունը տեղեկացնում է, որ համապատասխան որոշումը մայիսի 11-ին տեղադրվել է Կրեմլի կայքում:

«Ռուսաստանի կառավարությանը հանձնարարել բարձրագույն գործադիր մարմինների ղեկավարների և ձեռներեցների միությունների հետ համատեղ մշակել գործողությունների ծրագիր, որը կապահովի բնակչության զբաղվածության և եկամուտների վերականգնում, տնտեսության աճ, ինչպես նաև երկարաժամկետ կտրվածքով փոփոխություններ տնտեսությունում: Ժամկետը 2020 թվականի հունիսի 1-ն է»,-ասված է փաստաթղթում:

Ապրիլի 28-ին նախագահ Պուտինը հայտարարել էր ոչ աշխատանքային օրերը մինչև մայիսի 11-ը ներառյալ երկարաձգելու մասին: Նա այդ ժամանակ անհրաժեշտություն էր համարել բնականոն կյանքին վերադառնալուն նախապատրաստվելը: Հանձնարարել էր նախապատրաստել առաջարկություններ մայիսի 12-ից փուլային տարբերակով սահմանափակումները հանելու մասին:

Նոր Զելանդիան գնում է սահմանափակումների էական մեղմացման

Նոր Զելանդիայի կառավարությունը որոշում է ընդունել երկրում կորոնավիրուսի տարածումը կանխող սահմանափակումներն էականորեն մեղմացնելու մասին: «Արմենպրես»-ի հաղորդմամբ, այս մասին տեղեկացնում է «Ռեգնում»-ը:

Նշվում է, որ մայիսի 14-ից երկրում կվերսկսեն աշխատel ձեռնարկությունները, առևտրի կենտրոնները, կինոթատրոնները, սրճարաններն ու մարզական սրահները: Իշխանությունները կարծում են, որ այս սահմանափակումները չեն հանգեցնի վարակի նոր բռնկումների:

Նոր Զելանդիայում կորոնավիրուսի հաստատված դեպքերի թիվը կազմում է շուրջ 1 500, մահացել է 21 մարդ: Վերջին մեկ օրում վարակվածության 3 նոր դեպքեր են գրանցվել:

Շանհայում «Դիսնեյլենդ»-ը վերսկսել է իր աշխատանքը

Շանհայում գտնվող «Դիսնեյլենդ» ժամանցի զբոսայգին մայիսի 11-ին բացել է իր դռները այցելուների առաջ: Այն, կորոնավիրուսի բռնկմամբ պայմանավորված, փակ էր հունվարի 25-ից: «Արմենպրես»-ի հաղորդմամբ, այս մասին տեղեկացնում է «Ինտերֆաքս»-ը:

Նախնական փուլում «Դիսնեյլենդ» կթողնեն այն մարդկանց, ովքեր նախապես ամրագրումներ կատարած կլինեն կոնկրետ ժամանակով: Զբոսայգին առայժմ սահամանփակ թվով այցելուներ է ընդունելու, մուտքի մոտ այցելուները կջերմաչափվեն, կներկայացնեն անձը հաստատող փաստաթուղթ: Դրանից բացի, զբոսայգի եկողները պետք է իրենց հեռախոսներում ունենան հատուկ հավելվածներ, որոնց միջոցով վերահսկվում են անձի առողջությունը և շփումների ընթացքը: Զբոսայգի այցելելու պարտադիր պահանջներից է սոցիալական հեռավորությունը պահպանելը:  

 Մինչ կորոնավիրուսը զբոսայգին մեկ օրում ընդունում էր 80 հազար այցելու:

Մոլդովան ավիաթռիչքների սահմանափակումները կհանի մայիսի 15-ից հետո

Մոլդովայի նախագահ Իգոր Դոդոնը մայիսի 11-ին կայացած ճեպազրույցում հայտարարել է, որ մայիսի 15-ից հետո իշխանությունները կսկեն փուլային տարբերակով հանել ավիաթռիչքների սահմանափակումները, որոնք մտցվել էին կորոնավիրուսի պատճառով: «Արմենպրես»-ի հաղորդմամբ, այս մասին տեղեկացնում է «ՌԻԱ Նովոստի»-ն:

«Մայիսի 15-ին մեզ մոտ ավարտվում է արտակարգ դրության ռեժիմի ժամկետը, ամենայն հավանականությամբ, մենք այն չենք երկարացնի: Աստիճանաբար հանվել են որոշ սահմանափակումներ, մասնավորապես, արդեն գրեթե ամեն տեղ բացվել են շուկաները: Մայիսի 15-ից հետո մենք կսկսենք հանել ավիաթռիչքների սահմանափակումները, բայց դա կկատարվի այն երկրների ուղղությամբ, որտեղ նույնպես հանված են նման սահմանափակումները»,- հայտարարել է Դոդոնը:

Մոլդովայում հաստատված դեպքերի թիվը կազմում է 4 հազար 927, որից 169-ն ունեցել է մահացու ելք: Խորհրդարանը մարտի 17-ին մտցրել է արտակարգ դրության ռեժիմ 60 օրով, որը լրանում է մայիսի 15-ին: Մոլդովան դադարեցրել է ավիահաղորդակցությունները բոլոր երկրների հետ, փակվել են նաև ցամաքային սահմանները: Երկրում արգելված են զանգվածային միջոցառումները:

Նիդեռլանդներում սահմանափակումների մեղմացման շրջանակում դպրոցները վերաբացվում են

Կորոնավիրուսի տարածումը կանխելու նպատակով Նիդեռլանդներում մտցված սահմանափակումների նշանակալի մեղմացումն ուժի մեջ է մտնում մայիսի 11-ից:

«Արմենպրես»-ի հաղորդմամբ, «Ռեգնում» գործակալությունը տեղեկացնում է, որ Նիդեռլանդների կառավարության լրատվական ծառայությունը հայտնում է, որ կվերաբացվեն տարրական դասարանի դպրոցները և մանկապարտեզները, գեղեցկության սրահները, վարսավիրանոցները, գրադարանները:

 

Նշվում է նաև, որ թույլատրվում է սկսել պարապմունքներն այն մարզաձևերի գծով, որտեղ մարզիկների միջև սերտ շփումներ չկան, օրինակ, գոլֆը, թենիսը:

Վրաստանում բացվում են արտադրության բոլոր ոլորտները, խանութները

Վրաստանի կառավարության որոշմամբ մայիսի 11-ից երկրում բացվում են արտադրության բոլոր ոլորտները: «Արմենպրես»-ի հաղորդմամբ, «Գրուզիա օնլայն»-ը տեղեկացնում է, որ բացվում են բոլոր խանութները՝ բացի հագուստի և կոշկեղենի վաճառքի կետերից:

«Մայիսի 11-ին բացում ենք արտադրության բոլոր ոլորտները: Եթե մինչ այժմ խոսքը միայն շինարարական նյութերի արտադրության մասին էր, ապա մենք բացում ենք արտադրության բոլոր ոլորտները: Դրանից բացի, մենք բացում ենք մանրածախ և մեծածախ խանութները, որոնք ունենք մուտք փողոցից և չեն վաճառում հագուստ կամ կոշիկ: Դա չի վերաբերում մոլերին»,-հայտարարել է Վրաստանի վարչապետ Գեորգի Գախարիան:

Վրաստանում կորոնավիրուսով վարակվել է 638 մարդ, վարակի հետևանքով մահացածների թիվը կազմում է 10:

Արաբական Միացյալ Էմիրություններում գտնվող «Մարդկային եղբայրության» Գերագույն հանձնաժողովը կոչ է անում աշխարհի բոլոր ազգերին հինգշաբթի օրը` մայիսի 14-ին, իրենց կրոնին, հավատամքին և ուսմունքին համապատասխան, աղոթք հղել առ Աստված, ծոմ պահել և բարի գործեր կատարել, որպեսզի Աստված վերջ տա այս համավարակին, ազատի մարդկությանը ներկայիս տառապանքից և օգնի գիտնականներին դրա դեմ դեղամիջոց գտնել և փրկել աշխարհը վիրուսի տարածման առողջապահական, տնտեսական և հումանիտար հետևանքներից: «Արմենպրես»-ին այս մասին հայտնեցին ՀՀ-ում ԱՄԷ դեսպանությունից։

Աբու Դաբիում Հռոմի Ֆրանցիսկոս Պապի և Ազհարի շեյխ Ահմադ ալ-Տայեբի միջև ստորագրված «Մարդկային եղբայրություն՝հանուն գլոբալ խաղաղության և համակեցության» փաստաթղթի հիման վրա ձևավորված հանձնաժողովը հայտարարել է․ «Նոր տիպի կորոնավիրուսի արագ տարծումը վտանգի է ենթարկում ողջ աշխարհը և սպառնում է միլիոնավոր մարդկանց կյանքին։ Եթե մենք հավատում ենք համաճարակի հաղթահարման գործում բժշկության և գիտական հետազոտությունների կարևորությանը, ապա չպետք է մոռանանք նաև այս ճգնաժամի պայմաններում դիմել Աստծուն»:

«Մարդկային եղբայրության» փաստաթղթի նպատակների իրագործման Գերագույն հանձնաժողովն առաջարկել է գալիք հինգշաբթի օրը` մայիսի 14-ը, հայտարարել համընդհանուր աղոթքի և ծոմապահության օր՝հորդորելով բոլոր կրոնական առաջնորդներին և ազգերին ականջալուր լինել այս մարդասիրական կոչին և միաձայն աղոթք հղել առ Աստված՝ այս համավարակին վերջ տալու և ողջ մարդկության համար անվտանգություն, կայունություն, առողջություն և առաջընթաց ապահովելու համար։

Իրանի «Ջամարան» ռազմածովային ականակիր նավը զորավարժությունների ժամանակ սխալմամբ կրակել է իր նավի ուղղությամբ: 

«Արմենպրես»-ի հաղորդմամբ, այս մասին «Թվիթեր»-ում գրառում է կատարել Իրանի «Թասնիմ» լրատվական գործակալության քաղաքական բաժնի ղեկավար Մահդի Բահտիարին: Նրա տեղեկություններով՝ դեպքը տեղի է ունեցել Օմանի ծոցում: Ռազմանավից արձակված հրթիռով խոցվել է «Konarak» նավը: 

Իրանական «IRNA» գործակալությունը հայտնում է, որ ներկայում 12 մարդ հոսպիտալացված է: Նշվում է, որ դեպքից անմիջապես հետո այնտեղ են ուղևորվել շտապօգնության 10 մեքենաներ՝ տուժանծներին բուժհաստատություններ տեղափոխելու համար: Սկզբում հոսպիտալացվել է 16 մարդ, ռազմածովային անձնակազմից մեկը մահացել է, 3-ն արդեն դուրս են գրվել: Պաշտոնական տեղեկատվության համաձայն, դեպքի պատճառները պարզելու համար կատարվում է նախաքննություն: Պաշտոնական կառույցներն այլ մանրամասներ չեն հաղորդում:

ԱՄՆ սնունդի եւ դեղորայքի վերահսկողութեան գերատեսչութիւնը (FDA) թոյլատրած է ամերիկահայ գործարար Մուպար Աֆէեանի Moderna Therapeutics ընկերութեան անցնիլ իր պատուաստանիւթի հետազօտման երկրորդ փուլին:

Ան շուտով պիտի մեկնարկէ: MRNA-1273 պատուաստանիւթը առաջինն է, որ ստացած է թոյլտւութիւն ամերիկեան հիւանդանոցներու մէջ փորձարկումներ ընելու համար: Ընկերութիւնը կը տեղեկացնէ, որ հետազօտման 3-րդ փուլը նախատեսուած է սկսիլ ամրան սկիզբը, կը գրէ «Ամերիկայի ձայնը»:

Պատուաստանիւթի պատրաստման ուղղութեամբ աշխատանք կը տանին նաեւ այլ ընկերութիւններ: Օրերս Pfizer եւ BioNTech ընկերութիւնները յայտարարեցին, որ Մայիս 5-էն հիւանդանոցներուն պիտի տրամադրեն պատուաստանիւթեր` փորձարկումներու համար:

Ամերիկեան ու գերմանական այս ընկերութիւններ կ՛ըսեն, որ եթէ պատուաստանիւթը յաջողութեամբ անցնի փորձարկումները, ապա հնարաւոր է` անիկա պատրաստ ըլլայ մինչեւ տարեվերջ Միացեալ Նահանգներու մէջ լայն տարածման համար` շրջանցելով քանի մը տարուան պատուաստանիւթի զարգացման բնորոշ ժամանակացոյցը: Բարեյաջող ընթացքի պարագային 2021-ին հնարաւոր պիտի ըլլայ կազմակերպել պատուաստանիւթի հարիւր միլիոններու հասնող արտադրութիւնը:

Ընկերութիւնները յոյս ունին, որ Միացեալ Նահանգներու սնունդի եւ դեղորայքի վերահսկողութեամբ զբաղած գերատեսչութիւնը հնարաւորին չափ շուտ կը տրամադրէ թոյլտւութիւն սկսելու համար Մի, որոնց համաձայնած է մասնակցիլ մօտ 360 մարդ տարբեր տարիքային խումբերէ:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Միջազգային Դրամական Ֆոնտին ներկայացուցիչներ Պէյրութ պիտի հասնին յառաջիկայ օրերուն Լիբանանի կառավարութեան հետ ծանր բանակցութիւններ վարելու համար:

Արդարացի մտահոգութիւն կայ, որ  միջազգային նշեալ կառոյցը բաւականին ծանր պայմաններ պիտի պարտադրէ Լիբանանի վրայ:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Լիբանանի տարածքին քորոնա ժահրով վարակուած 36 հիւանդներ արձանագրուեցան երէկ: Այս համեմատաբար բարձր թիւը մտահոգութիւն պատճառեց կարգ մը մասնագէտներու, որոնք զգուշացուցին վարակի երկրորդ ալիքէ մը, որ հաւանական է եթէ պետութիւնը պէտք եղած միջոցներուն չձեռնարկէ:

Այս նոր թիւով, Լիբանանի մէջ վարակուածներու ընդհանուր թիւը հասաւ 845-ի:

Նոր գրանցուածներուն 23-ը տեղական վարակ են իսկ 13-ը՝ Լիբանան նոր վերադարձած քաղաքացիներուն շարքերէն:

Նշենք, որ վարակուողներու թիւը անցեալ Հինգշաբթի օրուընէ սկսեալ յարատեւ աճ կ՛արձանագրէ:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Վարչապետ Նիկոլ Փաշինյանը շնորհավորական ուղերձներ է հղել Ռուսաստանի Դաշնության նախագահ Վլադիմիր Պուտինին և Ռուսաստանի Դաշնության կառավարության նախագահ Միխայիլ Միշուստինին՝ Երկրորդ համաշխարհային պատերազմում հաղթանակի 75-րդ տարեդարձի կապակցությամբ։

Ինչպես  «Արմենպրես»-ին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, մայիսի 9-ի առիթով ՀՀ վարչապետը շնորհավորական ուղերձներ է հղել նաև ԱՊՀ անդամ պետությունների ղեկավարներ՝ Բելառուսի նախագահ Ալեքսանդր Լուկաշենկոյին, Ղրղզստանի նախագահ Սոորոնբայ Ժեենբեկովին, Ղազախստանի նախագահ Կասիմ-Ժոմարտ Տոկաևին, Թուրքմենստանի նախագահ Գուրբանգուլի Բերդիմուհամեդովին, Ուզբեկստանի նախագահ Շավքաթ Միրզիյոևին, Մոլդովայի նախագահ Իգոր Դոդոնին, Տաջիկստանի նախագահ Էմոմալի Ռահմոնին։

Երկրորդ համաշխարհային պատերազմում հաղթանակի 75-ամյակի առթիվ Հայաստանի վարչապետին շնորհավորական ուղերձներ են հղել ՌԴ նախագահ Վլադիմիր Պուտինը, ՌԴ կառավարության նախագահ Միխայիլ Միշուստինը, ԱՊՀ անդամ երկրների ղեկավարներ։

Ռուսաստանի Դաշնության նախագահ Վլադիմիր Պուտինի շնորհավորական ուղերձում նշված է.

«Հարգելի Նիկոլ Վովայի,

 սրտանց շնորհավորում եմ Ձեզ և Հայաստանի բոլոր քաղաքացիներին Հայրենական Մեծ պատերազմում հաղթանակի 75-րդ տարեդարձի առթիվ։

Մեր ժողովուրդները սրբորեն հարգում են հերոսների հիշատակը, ովքեր ճակատում իրենց դրսևորած խիզախությամբ և թիկունքում կատարած անձնուրաց աշխատանքով օգնեցին հաղթանակ տոնել նացիզմի դեմ, պաշտպանել խաղաղությունը ապագա սերունդների համար:

Համոզված եմ, որ ռազմական տարիների դժվարին փորձությունների ժամանակաշրջանում կոփված բարեկամությունը կշարունակի ծառայել որպես հուսալի հիմք ռուս–հայկական դաշնակցային հարաբերությունների հետագա զարգացման, բազմաշերտ գործընկերային փոխգործակցության ամրապնդման համար, կօգնի համատեղ դիմակայել ժամանակակից մարտահրավերներին, այդ թվում՝ կորոնավիրուսային վարակի համաճարակին:

Խնդրում եմ Հայաստանի Հանրապետությունում բնակվող բոլոր վետերաններին և թիկունքի աշխատավորներին փոխանցել քաջառողջության, երջանկության, բարեկեցության և երկար տարիների կյանքի անկեղծ բարեմաղթանքներս»:

Ռուսաստանի Դաշնության կառավարության նախագահ Միխայիլ Միշուստինի շնորհավորական ուղերձում նշված է.

«Հարգելի Նիկոլ Վովայի,

սրտանց շնորհավորում եմ Ձեզ՝ Հայրենական մեծ պատերազմում հաղթանակի 75-րդ տարեդարձի կապակցությամբ:

Այս հանդիսավոր օրը մենք հարգանքի տուրք ենք մատուցում ռուսաստանցիներին և հայերին, ովքեր ուս ուսի մարտնչել են ֆաշիստական զավթիչների դեմ՝ հանուն ապագա սերունդների խաղաղ կյանքի:

Վստահ եմ, որ պատերազմի բովով անցած մարտական բարեկամությունը հուսալի հիմք կծառայի ռուս–հայկական համագործակցության և գործընկերության ամրապնդման, Եվրասիական տնտեսական միության շրջանակում ինտեգրացիայի հետագա զարգացման համար:

Հարգելի Նիկոլ Վովայի,

խնդրում եմ Հայաստանում բնակվող վետերաններին փոխանցել խորին երախտագիտության խոսքերս, բարօրության, քաջառողջության և երկարակեցության մաղթանքներս»:

Մինչ Լիբանանի կառավարութեան խարխափումը կը շարունակուի եւ իշխանութիւն-ընդդիմութիւն վիհը կը խորանայ: Մինչ կառավարութեան անդամները առանց համակարգումի կը գործեն՝ առողջապահութեան նախարարութիւնը մտահոգ է քորոնա ժահրով եւ կոչ կ՛ուղղէ ժողովուրդին մնալ զգոյշ, ներքին ապահովութեան մարմինները առողջական արտահերթ իրավիճակը կ՛երկարաձգեն,  կրթութեան նախարարը շուտով դպրոցները բանալու հաստատումներ կ՛ընէ…: Լիբանանցի ժողովուրդը շփոթած եւ անճար է երկրին մէջ ստեղծուած անլուծելի թնճուկներու դիմաց:

Մինչ այդ, «Քորոնա» ժահրով վարակուածներու  թիւը Լիբանանի մէջ հասաւ 796-ի, երբ 12  պարագաներ գրանցուեցան, որոնց    վեցը  Լիբանան  հասած էին արտասահմանէն։ «Քորոնա»ի հետեւանքով  մահուան պարագայ մըն ալ արձանագրուեցաւ երէկ:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը