Category: Լուրեր Աշխարհէն

Ռուսաստանում կորոնավիրուսով վարակվածների թիվն ավելացել է 10 հազար 598-ով՝ հասնելով 262 հազար 843-ի:

«Արմենպրես»-ի հաղորդմամբ, այս մասին տեղեկացնում է ՏԱՍՍ գործակալությունը՝ ներկայացնելով կորոնաիրուսի տարածման դեմ պայքարի օպերատիվ շտաբի տվյալները:

Օպերատիվ շտաբի տվյալներով օրվա կտրվածքով վարակի տարածման աճը կազմում է 4,2 տոկոս, մեկ օր առաջ այդ ցուցանիշտ 4,1 տոկոս էր: Նշվում է, որ վարակվածության նոր դեպքերից 4 հազար 504-ի մոտ ախտանշաններ չեն եղել: Գրանցված նոր դեպքերից 4 հազար 748-ը Մոսկվայում է: Մայրաքաղաքում ընդհանուր առմամբ 135 հազար 464 հաստատված դեպք կա:

Ռուսաստանում վերջին մեկ օրում մահերի թիվն ավելացել է 113-ով՝ ընդհանուր թիվը դառնալով 2 հազար 418:

Սլովենիայի կառավարությունը հայտարարել է երկրում կորոնավիրուսի համավարակի ավարտի մասին:

«Արմենպրես»-ի հաղորդմամբ, այս մասին տեղեկացնում է «ՌԻԱ Նովոստի»-ն:

«Կառավարությունը հեռավար նիստի ժամանակ հայտարարել է, որ համավարակային իրավիճակը հաղթահարել են: Հանրային առողջության ազգային ինստիտուտի տվյալների համաձայն, բնակչության շրջանում կորոնավիրուսի տարածումը նվազել է»,- հայտնել է կառավարությունը:

Վերջին տվյալներով, Սլովենիայում ընդհանուր առմամբ իրականացվել է ավելի քան 66 հազար թեստավորում: Երկրում հաստատված դեպքերի թիվը կազմում է 1465, որից մահացել է 103-ը: Վերջին օրը կորոնավիրուսի ախտորոշում հաստատվել է ընդամենը մեկ քաղաքացու մոտ:

Կառավարության որոշմամբ հնարավոր է դառնում Սլովենիայի սահմանը հատել Ավստրիայից, Իտալիայից և Հունգարիայից, ինչպես նաև օդանավակայանի բացումը անվտանգության կանոնների պահպանմամբ: Սլովենիա ժամանող այն քաղաքացիները, որոնք չունեն մշտական կացության իրավունք պարտավորված են լինելու կարանտինի մեջ գտնվել 14 օր: Մայիսի 18-ից երկրում կբացվեն սրճարանները, ռեստորանները, հյուրանոցները, առևտրի կենտրոնները:

Հալեպում կարի ֆաբրիկան, որն արտադրում էր արևելլյան ավանդական կանացի հագուստ, սկսել է կարել պաշտպանիչ դիմակներ և վաճառել մեծածախ գնով:

«Արմենպրես»–ի հաղորդմամբ, ՏԱՍՍ գործակալությունը տեղեկացնում է, որ այս մասին լրագրողներին հայտնել է ֆաբրիկայի տնօրեն Ջամիլ Բարակեդը:

«Մինչ կորոնավիրուսն այստեղ արտադրում էինք կանանց համար նախատեսված հագուստ, սակայն որոշեցի վերապրոֆիլավորել ֆաբրիկան, և հիմա սկսել ենք արտադրել բժշկական դիմակներ: Մենք տեսնում ենք, թե ինչ է կատարվում աշխարհում, ես որոշեցի օգնել իմ երկրին ու ժողովրդին»,- նշել է նա: Ֆաբրիկայի վերապրոֆիլավորումը հնարավորություն է տվել պահպանել 80 աշխատողի աշխատավարձը: Ներկայում օրվա ընթացքում ապահովվում է 5-6 հազար դիմակի արտադրություն: Ֆաբրիկայի հզորությունը թույլ է տալիս ավելին, սակայն այդ դեպքում անհրաժեշտ կլինի ընդունել մեծ թվով աշխատողների, այնինչ համավարակի տարածումն այդ հնարավորությունը չի տալիս: Դիմակների մի մասը տրվում է կարիքավորներին, մի մասը վաճառվում է:

Սիրիայի առողջապահության նախարարության տվյալներով, փետրվարի 5-ից մինչ այժմ երկրի հատուկ կարանտինի կենտրոններն ընդունել են 6 հազար 781 մարդու: Ներկայում այդ կենտրոններում գտնվում է 2 հազար 557 մարդ, այդ թվում՝ սիրացիներ, որոնք հայրենիք են վերադարձել հատուկ չվերթներով վերջին երկու շաբաթվա ընթացքում: Սիրիայում 48 անձի մոտ հաստատվել է կորոնավիրուս, 29-ն արդեն ապաքինվել է, գրանցվել է 3 մահացու դեպք:

Իրանում կորոնավիրուսի մայիսի 15-ի վիճակագրական տվյալների համաձայն, նախորդ օրվա համեմատ, վարակակիրների թիվն ավելացել է 2 հազար 102-ով՝ ընդհանուրը դառնալով 116 հազար 635: Մահացածների թիվն ավելացել է48-ով: Վարակի հետևանքով, ընդհանուր առմամբ, մահացել է 6 հազար 902 մարդ:

«Արմենպրես»–ի հաղորդմամբ, այս մասին տեղեկացնում է Իրանում Հայաստանի դեսպանությունը:

Ծանր վիճակում է գտնվում 2 հազար 727 անձ: Ապաքինվածների թիվն ավելացել է 1297-ով՝ ընդհանուրը դառնալով 91 հազար 836: Մինչ այժմ թեստավորվել է 658 հազար 604 անձ:

Վրաստանի վարչապետ Գեորգի Գախարիան հայտնել է, որ կորոնավիրուսի տարածումը կանխելու նպատակով երկրում մտցված արտակարգ դրության ռեժիմը, որն ավարտվում է մայիսի 22-ին, չի երկարաձգվի:

Արմենպրես»–ի հաղորդմամբ,այս մասին տեղեկացնում է «ՌԻԱ Նովոստի»-ն:

«Մենք որոշում ենք կայացրել, որ չենք դիմի նախագահին և խորհրդարանին՝ արտակարգ դրության ռեժիմի ժամկետը երկարաձգելու խնդրանքով»,-կառավարության նիստում հայտնել է վարչապետը: Նրա խոսքով՝ դա նշանակում է, որ բոլոր սահմանափակումները կհանվեն:

Վրաստանում գործող արտակարգ դրության ռեժիմի ժամկետը մինչև մայիսի 22-ն է: Երկրում վարակի բռնկումից ի վեր արտակարգ դրության ռեժիմի ժամկետը մի քանի անգամ երկարաձգվել է:

Վրաստանում կորոնավիրուսով վարակվածների թիվը 671 է, ավելի քան կեսն ապաքինվել է, 12 մարդ՝ մահացել:

 According to the latest data, the number of people infected with the novel coronavirus (COVID-19) in Iran has increased by 2,102, bringing the total number of cases to 116,635, the Armenian Embassy in Iran reported today.

48 more deaths have been registered in the past one day. The death toll has reached 6,902.

2,727 infected people are in serious condition.

1,297 more patients have recovered, raising the total number of recoveries to 91,836.

Ավստրիայում կինոթատրոնների բացումը պլանավորվում  է հուլիսի 1-ին: «Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ այս մասին հայտնել է առողջապահության նախարար Ռուդոլֆ Անշոբերը: Նրա խոսքով, մայիսի 29-ից կթույլատրվեն մշակութային միջոցառումներն առավելագույնը 100 հոգու, հուլիսի 1-ից՝ 250 հոգու մասնակցությամբ:

Միջոցառումները պետք է անցկացվեն մի շարք պահանջներ ապահովելու դեպքում՝ պաշտպանիչ դիմակների կրում, նվազագույն մեկ մետր սոցիալական հեռավորության պահպանում: Նախարարը տեղեկացրել է, որ օգոստոսի 1-ին արդեն կարող են միջոցառումներ անցկացնել մինչև 500 հոգու մասնակցությամբ, կրկին անվտանգության կանոնները պահելով:

Ավստրիան ապրիլի 14-ից սկսել է մեղմել սահմանափակումները, որոնք մտցվել էին կորոնավիրուսի պատճառով:

Լիբանանի Հանրապետութեան նախագահ  Զօր. Միշէլ Աուն կոչ ըրաւ լիբանանցիներուն աղօթելու, եւ խնդրելու Աստուծմէ, որ փրկէ մարդկութիւնը «Քորոնա» համաճարակի սպառնալիքէն:

Նախագահ Աուն այս կոչը ըրաւ, արձագանգելով Հռոմի Պապ Ֆրանչիսկոսի եւ Շէյխ Ալ-Ազհարի   համաճարակին  համար  միացեալ աղօթք  կատարելու  կոչերուն։

Նախագահ Աուն նաեւ նշեց, որ «այս բանը ի սրտէ եւ խիղճէ բխած նախաձեռնութիւն է, որ հովանաւորուած է Հռոմի Պապ Ֆրանչիսկոսի եւ Շեյխ Ալ-Ազհարի կողմէ եւ կու գայ «Մարդու երկխօսութեան ակադեմիա»ն հիմնելու նպատակէն»:  

Ան նաեւ ըսաւ. «Թող  միախառնուին մինարէթներու հնչիւնները զանգերու ձայներուն հետ, եւ թող լռեն բոլոր այն ձայները, որոնք կը խանգարեն մեր ազգային միասնութիւնը»:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Լիբանանի մէջ 6 տեղական եւ 2 արտերկրէն եկածներու վարակակիրներ արձանագրուեցան վերջին 24 ժամուան ընթացքին: Այսպէս յայտարարեց առողջապահութեան նախարարութիւնը:

Ընդհանուր 886 վարակաւորումներ տեղի ունեցած են ցայսօր եւ 26 մահուան դէպքեր:

 

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը

Երէկ սկիզբ առաւ ամբողջական փակման առաջին օրը, որ պիտի տեւէ մինչեւ յառաջիկայ երկուշաբթի առաւօտ: Այս մէկը եկաւ, որպէս կառավարութեան խիստ փորձ սանձելու համար վարակաւորումի նոր ալիքը:

Եղան խախտումներ սակայն երկիրը ընդհանուր առմամբ անշարժացաւ: Վերջին օրերուն արտօնուած բոլոր գործառնութիւնները դադրեցան եւ փակ մնացին ճաշարանները, սրճարանները եւ այլ հաւաքավայրեր:

Դրամատուները, առեւտրական մեծ ու փոքր հաստատութիւնները նաեւ փակ մնացին:

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը