• London

  • Beirut

  • Moscow

  • Los Angeles

  • Paris

  • Sydney

  • Toronto

Թոմ Հենքս Կոչ Ըրած Է Մասնակցելու «Հայաստանի Մանուկներ» Հիմնադրամի Բարեգործական Երեկոյին. տեսանիւթ

02.12.2016   10:18

«Հայաստանի մանուկներ» հիմնադրամը (COAF) իր ֆէյսպուքեան (facebook) էջին վրայ հրապարակած է օսկարակիր դերասան Թոմ Հենքսի մասնակցութեամբ տեսաուղերձը: Ճանչցուած ամերիկացի դերասանը իր աջակցութիւնը կը յայտնէ  հիմնադրամի` Դեկտեմբեր 9-ին, Նիւ Եորքի մէջ կայանալիք կալա երեկոյին:

Թոմ Հենքս կոչ կ’ընէ բոլորին մասնակցելու կարեւոր նշանակութիւն ունեցող ձեռնարկին` ափսոսանք յայտնելով, որ չի կրնար անձամբ ներկայ գտնուիլ բարեգործական հաւաքին:

«Սա հրաշալի առիթ է ձեր հայկական արմատներուն վերադառնալու համար, իսկ եթէ ազգութեամբ հայ չէք, ուղղակի գացէք կալա երեկոյին ու վայելէք զայն: Աստուած բոլորիս պահապան»,- տեսաուղերձը եզրափակած է Հենքսը:

Հայաստանի մանուկներ հիմնադրամը (COAF) բարեգործական կազմակերպութիւն է, որուն նպատակն է բարձրացնել գիւղաբնակներու կեանքի որակը համայնքային զարգացման երեխաներու համար նախատեսուած ծրագիրներու միջոցով: Հիմնադրամի համակողմանի ծրագրային իրագործումը սկսած է 2004թ., եւ այդ ժամանակուընէ ի վեր զուգահեռաբար կ’իրականացուին կրթական, առողջապահական, սոցիալական եւ տնտեսական ծրագիրներ, ինչպէս նաեւ կը հիմնանորոգուին համայնքներուն համար կենսական նշանակութիւն ունեցող ենթակառուցուածքները:

 

Share Button

Leave a Reply

Your email address will not be published. Required fields are marked *

Լրատվական գործընկեր